រុស្ស៊ី ៖ រុស្ស៊ីមានកម្មវិធីមួយដើម្បីធ្វើវិច្ឆេទកម្មកសិដ្ឋានខ្យល់ និងខ្សែកាបទម្លាក់ក្នុងសមុទ្រខាងជើង នេះបើតាមការចោទប្រកាន់ថ្មី។
ព័ត៌មានលម្អិតបានមកពីការស៊ើបអង្កេតរួមគ្នាដោយក្រុមអ្នកផ្សាយសាធារណៈនៅប្រទេសដាណឺម៉ាក ន័រវែស ស៊ុយអែត និងហ្វាំងឡង់។ ពួកគេនិយាយថា រុស្ស៊ីមានកងនាវាដែលតុបតែងបន្លំជាក្រុមអ្នកនេសាទ និងកងនាវាស្រាវជ្រាវនៅសមុទ្រខាងជើង។
ពួកគេផ្ទុកឧបករណ៍ឃ្លាំមើលក្រោមទឹក និងកំពុងគូសផែនទីទីតាំងសំខាន់ៗសម្រាប់ការបំផ្លិចបំផ្លាញដែលអាចកើតមាន។ សារព័ត៌មាន BBC យល់ថាក្រុមមន្ត្រីចក្រភពអង់គ្លេស បានដឹងអំពីកងនាវារុស្ស៊ីកំពុងធ្វើដំណើរជុំវិញដែនទឹករបស់ចក្រភពអង់គ្លេស ដែលជាផ្នែកមួយនៃកម្មវិធីនោះ។
មន្ត្រីប្រឆាំងចារកម្មដាណឺម៉ាកនិយាយថា ផែនការវិច្ឆេទកម្ម កំពុងត្រូវបានរៀបចំក្នុងករណីមានជម្លោះពេញបន្ទុកណាមួយជាមួយលោកខាងលិច ខណៈដែលប្រមុខចារកម្មន័រវេស បានប្រាប់ក្រុមអ្នកផ្សាយថា កម្មវិធីនេះ ត្រូវបានចាត់ទុកថាមានសារៈសំខាន់ខ្លាំងណាស់សម្រាប់ប្រទេសរុស្ស៊ី និងគ្រប់គ្រងដោយផ្ទាល់ពីទីក្រុងមូស្គូ៕ ដោយ ៖ ស្រីទាវ
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
