អេហ្ស៊ីប ៖ ខ្សែភាពយន្តភាគរបស់ក្រុមហ៊ុន Netflix ដែលនិយាយអំពីម្ចាស់ក្សត្រី Cleopatra ទី៧ ជាជនជាតិ​អាហ្វ្រិក​ស្បែកខ្មៅ​បានបង្កឱ្យមានភាពចម្រូងចម្រាសនៅក្នុងប្រទេសអេហ្ស៊ីប។

មេធាវីម្នាក់បានដាក់ពាក្យបណ្តឹងចោទប្រកាន់ភាពយន្ត ម្ចាស់ក្សត្រីអាហ្រ្វិក៖ ម្ចាស់ក្សត្រី Cleopatra ថាបាន​បំពាន​ច្បាប់ប្រព័ន្ធផ្សព្វផ្សាយ និងមានគោលបំណង "លុបបំបាត់អត្តសញ្ញាណជនជាតិអេហ្ស៊ីប"។

បុរាណវិទូកំពូលម្នាក់បានទទូចថា Cleopatra គឺ "ស្បែកបែបទង់ដែងស្រាល មិនមែនស្បែកខ្មៅទេ" ។ ប៉ុន្តែ​ផលិតករ​បាននិយាយថា "អត្តសញ្ញាណនៃពណ៌ស្បែករបស់នាងគឺមានការជជែកវែកញែកយ៉ាងល្អិតល្អន់" ហើយតារា​សម្តែង​ដែល​ដើរតួរក្នុងភាពយន្តនោះនាងបានប្រាប់អ្នករិះគន់ថា "ប្រសិនបើអ្នកមិនចូលចិត្តការសំដែងទេ សូមកុំមើល​ភាពយន្តនេះអី" ។

គេហទំព័រ Tudum ដែលជាដៃគូរបស់ក្រុមហ៊ុន Netflix បានរាយការណ៍កាលពីខែកុម្ភៈថាការជ្រើសរើសយក អ្នកនាង Adele James ជាតារាសម្តែងជនជាតិអង់គ្លេសដែលមានជាតិសាសន៍ចម្រុះដូចម្ចាស់ក្សត្រី Cleopatra នៅក្នុង​ខ្សែភាពយន្ត​ភាគឯកសារថ្មីរបស់ខ្លួនគឺជា "ការព្រមព្រៀងគ្នាចំពោះការជជែក​វែកញែកជា​ច្រើនសតវត្ស​មកហើយ​អំពីជាតិសាសន៍របស់ម្ចាស់ក្សត្រីអង្គនេះ" ៕ ដោយ ៖ ស្រីទាវ