រដ្ឋតិចសាស់ ៖ អ្នកដឹកនាំក្រុមសម្តែងអបអរនៅសាលារៀនថ្នាក់វិទ្យាល័យ២នាក់ ត្រូវបានគេបាញ់​បន្ទាប់ពីម្នាក់ក្នុង​ចំណោមពួកគេ ទំនងជាបានចូលទៅជិតរថយន្តដែលជារថយន្តខុសនៅកន្លែងចតរថយន្ត ជិតទីក្រុង Austin រដ្ឋតិចសាស់។

យោងតាមក្រុមគ្រួសារបានឲ្យដឹងថា អត្តពលិកម្នាក់ ឈ្មោះនាង Payton Washington អាយុ១៨ឆ្នាំ នៅតែស្ថិត​នៅក្នុង​មន្ទីរពេទ្យក្នុងស្ថានភាពធ្ងន់ធ្ងរ។ ជនរងគ្រោះម្នាក់ផ្សេងទៀតត្រូវបានព្យាបាលនៅកន្លែងកើតហេតុ។ ក្រុមអបអររបស់ពួកគេ បានចាត់ទុកការបាញ់ប្រហារនៅម៉ោង ០០:១៥ នាទីម៉ោងក្នុងតំបន់ កាលពីថ្ងៃអង្គារ​ថាជារឿងគួឲ្យភ័យខ្លាច។ នគរបាល បានចោទប្រកាន់លោក Pedro Tello Rodriguez Jr អាយុ២៥ឆ្នាំ ពីបទប្រព្រឹត្តអំពើឃោរឃៅ។

ការបាញ់ប្រហារបានកើតឡើងនៅខាងក្រៅ ផ្សារទំនើបមួយកន្លែងក្នុងតំបន់ Elgin មានចម្ងាយប្រមាណ ២៥ ម៉ាយ ពីទីក្រុង Austin។ នគរបាលតំបន់ Elgin និយាយថា ព័ត៌មាននិយាយថាជម្លោះមួយបានកើតឡើងនៅកន្លែងចតរថយន្ត ហើយគ្រាប់កាំភ្លើងជាច្រើនគ្រាប់ ត្រូវបានបាញ់ចូលក្នុងរថយន្ត។

សមាជិកក្រុមសម្តែងការអបអររបស់នាង Washington បានធ្វើពិធីបួងសួងខាងសាសនា កាលពីយប់ថ្ងៃអង្គារ។ ក្រុមនេះកំពុងរៀបចំប្រកួតប្រជែងក្នុងកម្មវិធី Cheerleading Worlds ក្នុងទីក្រុង Orlando រដ្ឋ Florida កាលពីចុង​សប្តាហ៍ដោយគ្មានមិត្តរួមក្រុមរបស់ពួកគេចូលរួមនោះទេ។ យោងតាមប្រព័ន្ធផ្សព្វផ្សាយតំបន់បានឲ្យដឹងថា អំឡុងការ​ប្រារព្ធពិធី ម្នាក់ក្នុងចំណោមអត្តពលិក ដែលត្រូវគ្រាប់កាំភ្លើងបាញ់ប្រផិតជើង បានអធិប្បាយពី​អ្វីដែល​បានកើត​ឡើងភ្លាមៗនៅកន្លែងកើតហេតុ៕ ដោយ ៖ ប៊ុនថាន