អង្គការរកម្មករអាហ្សង់ទីនបានដើរដង្ហែពីទីក្រុង Avellaneda ទៅកាន់ទីក្រុង Buenos Aires កាលពីថ្ងៃពុធ (១៩ មេសា) ដើម្បីតវ៉ាអំពីស្ថានភាពរស់នៅក្រីក្រ និងកិច្ចព្រមព្រៀងមូលនិធិរូបិយវត្ថុអន្តរជាតិ (IMF)។

ពេលទៅដល់ទីក្រុង Buenos Aires កម្មករបានបង្កើតជំរំនៅតំបន់ Plaza de Mayo ទល់មុខវិមានប្រធានាធិបតី Casa Rosada ហើយពួកគេនិងចំណាយពេលមួយយប់នៅទីនោះ។

លោក Nahuel Orellana សមាជិកនៃចលនាកម្មករសង្គមនិយមបាននិយាយថា កិច្ចព្រមព្រៀងជាមួយមូលនិធិរូបិយវត្ថុអន្តរជាតិ IMF បានជំរុញឱ្យរដ្ឋាភិបាលកាត់បន្ថយការចំណាយសង្គម ដែលប៉ះពាល់ដល់ការផ្តល់ចំណីអាហារដល់ពួកគេ។

ខណៈពេលដែលរដ្ឋាភិបាលប្រឈមមុខនឹងកិច្ចព្រមព្រៀងប្រាក់កម្ចី ៤៤ពាន់លានដុល្លារ ជាមួយមូលនិធិរូបិយវត្ថុអន្តរជាតិ IMF នោះ ប្រជាជនអាហ្សង់ទីនគ្មានផ្ទះសម្បែងជាច្រើន កំពុងតស៊ូយ៉ាងត្រដាបត្រដួស ដើម្បីរស់ដែលបច្ចុប្បន្នមានរហូតដល់ ១០២.៥% និងកំណើនអត្រាអតិផរណាផងដែរ។