ប្រធានាធិបតីអ៊ុយក្រែនលោក Volodymyr Zelenskiy កាលពីថ្ងៃព្រហស្បតិ៍ បានជំរុញប្រទេសម៉ិកស៊ិកឲ្យជួយបង្កើតសំណុំរឿង នៅក្នុងប្រទេសអាមេរិកឡាទីនសម្រាប់ផែនការសន្តិភាពរបស់លោកក្នុងជម្លោះនៅអ៊ុយក្រែន បើទោះបីជាមានការប្រទាញប្រទង់គ្នាខ្លាំង នៅក្នុងគណបក្សកាន់អំណាចរបស់ប្រទេសនេះ ទាក់ទងនឹងការផ្ដល់ការគាំទ្រដល់ទីក្រុង Kyiv ក៏ដោយ។

រដ្ឋាភិបាលម៉ិកស៊ិក បាននិយាយថា ខ្លួននៅតែចង់រក្សាជំហរអព្យាក្រឹតក្នុងសង្រ្គាមអ៊ុយក្រែន ជាមួយរុស្ស៊ី ។ ក្រុមអ្នកគាំទ្រអ៊ុយក្រែនមួយចំនួនបានរិះគន់ប្រធានាធិបតីឆ្វេងនិយម លោក Andres Manuel Lopez Obrador ចំពោះការតាមស្វែងរកកំហុសការផ្ដល់អាវុធរបស់សហភាពអឺរ៉ុប ឲ្យទៅអ៊ុយក្រែន។

ប៉ុន្តែ ប្រទេសម៉ិក បានបោះឆ្នោតជាមួយសហរដ្ឋអាមេរិក និងបណ្ដាប្រទេសលោកខាងលិចលើចំនួន​ភាគច្រើននៃសេចក្ដីសម្រេចរបស់អង្គការសហប្រជាជាតិ រិះគន់ការវាយលុករបស់រុស្ស៊ី លើអ៊ុយក្រែនកាល ថ្ងៃទី២៤ កុម្ភៈឆ្នាំ២០២២។

នៅក្នុង​សុន្ទរកថា​លើកដំបូងរបស់លោក ទៅកាន់ក្រុមតំណាងរាស្ត្រម៉ិកស៊ិក ចាប់តាំងពីការវាយ​លុកលើអ៊ុយក្រែន លោក Zelenskiy បានថ្លែងអំណរគុណដល់ម៉ិកស៊ិក សម្រាប់ការគាំទ្រលើការ​បោះឆ្នោតនៅអង្គការសហប្រជាជាតិ និងជំនួយមនុស្សធម៌ និងបានស្នើប្រទេសនេះ ឲ្យបង្ហាញ​ភាពជាអ្នកដឹកនាំដោយការផ្ដល់ឲ្យលោកនូវរូបមន្តសម្រាប់សន្តិភាព ។

ផែនការនោះ រួមមានការតម្រូវឲ្យរស្ស៊ីដកកងទ័ពចេញទាំងអស់ពីទឹកដីអ៊ុយក្រែន ហើយថា លោកបានចាប់ផ្តើមទាក់ទងទៅកាន់បណ្តាមេដឹកនាំពិភពកាលពីខែវិច្ឆិកាឆ្នាំមុន៕