សមាជិកគ្រួសារបាននិយាយថា អ្នកទោសម្នាក់នៅក្នុងរដ្ឋ Georgia សហរដ្ឋអាមេរិក ដែលត្រូវបានគេរកឃើញថាស្លាប់ ដោយគ្របដណ្ដប់ដោយសត្វល្អិតត្រូវបានគេដាក់នៅក្នុង «បន្ទប់អ្នកស្លាប់» មិនមែនជាបន្ទប់ឃុំឃាំងនោះទេ។

មេធាវីរបស់​សាច់ញាតិ​របស់លោក Lashawn Thompson ពេលនេះកំពុងអំពាវនាវឱ្យមានការធ្វើ​កោសល្យវិច័យ​ដោយឯករាជ្យ។ លោកត្រូវបានគេរកឃើញថា ដោយពុំមានការអើពើនៅកាលពីថ្ងៃទី ១៣ ខែកញ្ញា ឆ្នាំ ២០២២ នៅក្នុងស្ថានភាពជំងឺវិកលចរិកនៅពន្ធនាគារក្នុងទីក្រុងអាត្លង់តា។

សាច់ញាតិ​និយាយថា លោកត្រូវបានស៊ីទាំងរស់ដោយហ្វូងសត្វល្អិត។ គ្រូពេទ្យពិនិត្យបានចុះបញ្ជីពីមូលហេតុនៃការស្លាប់របស់បុរសអាយុ៣៥ឆ្នាំរូបនេះថា មិនអាចកំណត់បាន។ បុគ្គលិកបីនាក់នៅពន្ធនាគារ តំបន់ Fulton County បានលាលែងពីតួនាទី ក្នុងពេលមានការស៊ើបអង្កេតផ្ទៃក្នុងដែលកំពុងបន្ត។

លោក Thompson ដែលមានជំងឺវិកលចរិក ត្រូវបានចាប់ខ្លួននៅថ្ងៃទី ១២ ខែមិថុនា ឆ្នាំ ២០២២ ពី​បទវាយប្រហារក្នុងឥរិយាបថទំាងកំរោល ហើយដាក់ចូលទៅក្នុងផ្នែកវិកលចរិកនៃពន្ធនាគារ តំបន់ Fulton County។

មេធាវីការពារសិទ្ធិស៊ីវិល និងអ្នករបួស លោក Ben Crump ដែលកំពុងតំណាងឱ្យក្រុមគ្រួសារ បាននិយាយក្នុងសន្និសីទសារព័ត៌មាននៅខាងក្រៅពន្ធនាគារកាលពីថ្ងៃព្រហស្បតិ៍ថា ក្រុមអ្នកច្បាប់នឹងស្វែងរកការធ្វើកោសល្យវិច័យដោយឯករាជ្យ។