យោងតាមការស្រាវជ្រាវថ្មីមួយបានឱ្យដឹងថា ស្រទាប់ទឹកកករបស់ផែនដីបានបាត់បង់កម្រិតទឹកកកក្នុងរយៈពេល ៣០ឆ្នាំចុងក្រោយនេះ ក្នុងការបង្កើតដុំទឹកកកដែលមានកម្ពស់ ១២ម៉ាយ។

ស្រទាប់ទឹកកកហ្គ្រីនលែន និងអង់តាក់ទិក ដែលផ្ទុកទឹកសាបកកស្ទើរតែទាំងអស់ របស់ពិភពលោក បានកំពុងរលាយក្នុងល្បឿនដ៏លឿនគួរឱ្យព្រួយបារម្ភ នេះបើយោងតាមរបាយការណ៍ពីក្រុមអ្នកវិទ្យាសាស្ត្រអន្តរជាតិកាលពីថ្ងៃព្រហស្បតិ៍។

ដោយរួមបញ្ចូលទិន្នន័យពីការវាស់ស្ទង់តាមផ្កាយរណបចំនួន ៥0ករណី នៃសមុទ្រអង់តាក់ទិក និងហ្គ្រីនលែន ដោយគិតចាប់ពីឆ្នាំ១៩៩២ ដល់ឆ្នាំ២០២០ ក្រុមអ្នកវិទ្យាសាស្ត្រមកពីក្រុមសហប្រតិបត្តិការវិទ្យាសាស្ត្រអន្តរជាតិ ដើម្បីពន្លឿនវិធីសាស្ត្រវាស់ស្ទង់ផ្ទាំងទឹកកក ឬ IMBIE បានតាមដានការផ្លាស់ប្តូរទំហំ នៃស្រទាប់ទឹកកក និងលំហូរទឹកកក។

ពួកគេបានរកឃើញថា ការរលាយស្រទាប់ទឹកកក បានកើនឡើង ៦ដង ក្នុងរយៈពេល ៣០ឆ្នាំចុងក្រោយនេះ ខណៈដែលកម្រិតខ្ពស់បំផុត នៃកង្វក់បណ្តាលមកពីកម្តៅផែនដី ជំរុញឱ្យសីតុណ្ហភាពសកល​កើនឡើង។