កិច្ចព្រមព្រៀងអនុញ្ញាតឱ្យមានការនាំចេញគ្រាប់ធញ្ញជាតិអ៊ុយក្រែន នៅសមុទ្រខ្មៅដោយសុវត្ថិភាព អាចចាប់ផ្តើមធ្លាក់ចុះនៅសប្តាហ៍ក្រោយ បន្ទាប់ពីរុស្ស៊ីបាននិយាយថា ខ្លួននឹងមិនអនុម័តលើនាវាថ្មីៗណាមួយទេនោះទេប្រសិនបើប្រតិបត្តិកររបស់ពួកគេពុំទទួលបានការធានាច្រកផ្ទេរ នឹងត្រូវធ្វើឡើងនៅត្រឹមថ្ងៃទី១៨ ខែឧសភានោះ ជាកាលបរិច្ឆេទដែលរំពឹងទុកពីការបិទការអនុញ្ញាតនេះ។
ប្រទេសរុស្ស៊ី បានផ្តល់សញ្ញាយ៉ាងមុតមាំថា ប្រទេសនេះ នឹងពុំអនុញ្ញាតឱ្យកិច្ចព្រមព្រៀងនាំចេញតាមច្រកសមុទ្រខ្មៅអ៊ុយក្រែន ដែលបានព្រមព្រៀងកាលពីខែកក្កដាឆ្នាំមុន បន្តអនុវត្តលើសពីថ្ងៃទី ១៨ ខែឧសភានោះទេ ដោយសារបញ្ជីស្តីពីតម្រូវការក្នុងការសម្រួលការនាំចេញគ្រាប់ធញ្ញជាតិ និងជីរបស់ខ្លួន មិនទាន់ត្រូវបានបំពេញ។
យោងតាមសម្រង់ពីលិខិតមួយ ដែលទទួលបានដោយសារព័ត៌មាន Reuters បានឲ្យដឹងថា រុស្ស៊ីបាននិយាយថា ដោយផ្អែកលើកាលបរិច្ឆេទដែលរំពឹងទុកនៃការបិទគំនិតផ្តួចផ្តើម នៅថ្ងៃទី ១៨ ខែឧសភា ការចុះបញ្ជីបន្ថែមទៀតចំពោះនាវាថ្មីនឹងត្រូវបានអនុវត្តបន្ទាប់ពីទទួលបានការធានាពីម្ចាស់នាវាដើម្បីបំពេញការចូលរួមរបស់ពួកគេក្នុងគំនិតផ្តួចផ្តើមនៅត្រឹមថ្ងៃទី១៨ ខែឧសភា។
រុស្ស៊ីបានព្រមាននៅក្នុងលិខិតថា ខ្លួននឹងធ្វើអ្វីដែលអាចធ្វើទៅបានដើម្បីបញ្ចៀសការខាតបង់ពាណិជ្ជកម្ម និងការពារហានិភ័យសុវត្ថិភាពដែលអាចកើតមាន។ នៅក្រោមកិច្ចព្រមព្រៀងនេះ មជ្ឈមណ្ឌលសម្របសម្រួលរួម (JCC) នៅទីក្រុងអ៊ីស្តង់ប៊ុល ត្រូវបានបង្កើតឡើងដោយមន្ត្រីមកពីប្រទេសរុស្ស៊ី អ៊ុយក្រែន ទួរគី និងអង្គការសហប្រជាជាតិ បានព្រមព្រៀងលើចំនួននាវាដើម្បីចូលរួមក្នុងកិច្ចព្រមព្រៀងនេះ។ រដ្ឋមន្ត្រីការបរទេសរុស្ស៊ីលោក Sergei Lavrov គ្រោងនឹងជួបជាមួយអគ្គលេខាធិការអង្គការសហប្រជាជាតិលោក Antonio Guterres នៅទីក្រុងញូវយ៉កនៅថ្ងៃចន្ទ ហើយនឹងពិភាក្សាអំពីអនាគតនៃកិច្ចព្រមព្រៀងនាំចេញគ្រាប់ធញ្ញជាតិអ៊ុយក្រែន។
កិច្ចព្រមព្រៀងនេះត្រូវបានសម្របសម្រួលដោយអង្គការសហប្រជាជាតិ និងប្រទេសគី ដើម្បីជួយដោះស្រាយវិបត្តិស្បៀងអាហារពិភពលោក ដែលមន្ត្រីអង្គការសហប្រជាជាតិបាននិយាយថា កាន់តែធ្លាក់ចុះធ្ងន់ធ្ងរដោយសារការវាយលុករបស់រុស្ស៊ីលើអ៊ុយក្រែន ជាសង្គ្រាមដ៏ឃោឃៅបំផុតនៅអឺរ៉ុបចាប់តាំងពីសង្គ្រាមលោកលើកទីពីរមក។
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
