ក្រុមនគរបាលកេនយ៉ា បានគាស់ផ្នូរយកសាកសពមនុស្ស ២១នាក់ នៅជិតទីក្រុងឆ្នេរ Malindi ស្រប​ពេល​ដែលពួកគេស៊ើប​អង្កេត​គ្រូ​គង្វារ​ម្នាក់​ដែល​គេ​ចោទ​ប្រកាន់​ថា​បាន​និយាយ​ប្រាប់​សាវ័ក​របស់​ខ្លួន​ឲ្យ​បង្អត់អាហាររហូតដល់ស្លាប់ ។ ក្រុមនគរបាលនិយាយថា ពួកគេរំពឹងថានឹងស្វែង​រកឃើញ​សាកសពមនុស្សបន្ថែមទៀត ។ 

ផ្នូររាក់ៗស្ថិតក្នុងព្រៃ Shakahola ជាកន្លែងដែលសមាជិក ១៥រូបរបស់ព្រះវិហារ Good News International ត្រូវបានជួយសង្រ្គោះកាលពីសប្តាហ៍មុន ។ 

គ្រូគង្វារ Paul Mackenzie Nthenge កំពុងស្ថិតក្នុងការឃុំឃាំង ដើម្បីត្រៀមខ្លួនឡើងតុលាការ ។ 

ទូរទស្សន៍រដ្ឋ KBC បានចាត់ទុករូបលោកថាជាដឹកនាំសាសនា និងបានរាយការណ៍ថា ផ្នូរ ៥៨​កន្លែង ត្រូវបានរកឃើញមកទល់នឹងពេលនេះ ។ 

លោក Mackenzie បានច្រានចោលរាល់ទោសកំហុសទាំងអស់។ ​លោក​ត្រូវ​បាន​គេ​ច្រាន​ចោល​ការ​ដាក់​ប្រាក់ត​ម្កល់​ដើម្បីធានានៅក្រៅឃុំ ។ លោកបាននិយាយថា លោក​បាន​បិទ​វិហារ​របស់​លោក​កាលពីឆ្នាំ ២០១៩ ។ លោក Mackenzie និយាយ​ប្រាប់​សាវ័ក​របស់​គាត់​ឲ្យ​បង្អត់​បាយ​ខ្លួន​ឯង​រហូត​ដល់​ស្លាប់ ដើម្បីបានជួបជាមួយព្រះយាស៊ូគ្រិស្ត ។

ក្រុមនគរបាល បានចាប់ខ្លួនលោក Mackenzie កាលពីថ្ងៃទី ១៥ ខែមេសា ក្រោយ​រក​ឃើញ​សាក​សព​មនុស្ស ៤នាក់ ដែលគេសង្ស័យថាបានបង្អត់អាហារខ្លួនរហូតដល់ស្លាប់ ៕