យោងតាមការអះអាងរបស់រដ្ឋាភិបាលម៉ាលី បានឲ្យដឹងថា ជនស៊ីវិល ១០នាក់ និងទាហាន ៣នាក់ ត្រូវបានសម្លាប់ ហើយក្រុមជីហាដ ៨៨នាក់ ត្រូវបានទប់ទល់ អំឡុង​ឧបទ្ទេវហេតុ​ជា​ច្រើន​នៅ​ទូទាំង​ប្រទេស​កាលពីថ្ងៃសៅរ៍ ។ 

 រដ្ឋាភិបាលនិយាយ​នៅក្នុងសេចក្តីថ្លែងការណ៍ថា កាលពីព្រឹកថ្ងៃសៅរ៍ ក្រុម​ជីហា​ដដែល​ជាប់​សង្ស័យ បានវាយប្រហារទៅលើអាកាសយានដ្ឋាន Sevare ស្ថិតនៅតំបន់ភាគកណ្តាល Mopti ដោយ​ពួកគេបំផ្ទុះគ្រាប់បែកក្នុងរថយន្ត ដែលបានសម្លាប់ជនស៊ីវិល ១០នាក់ និងមនុស្ស ៦១​នាក់​ផ្សេងទៀត រងរបួស ។

ការបំផ្ទុះគ្រាប់បែកនេះដែរ បានបំផ្លិច​បំផ្លាញ​ផ្ទះសម្បែង​ជា​ច្រើន​ខ្នង​នៅ​តំបន់​ជុំវិញ​ព្រលាន​យន្តហោះ ដែលជាទីតាំងនៃជំរំយោធាម៉ាលី ៕ អត្ថបទ៖ សារ៉ាត់