បញ្ជាការកងទ័ពគាំទ្ររហ័ស(RSF) លោកឧត្តមសេនីយ៍ Mohamed Hamdan Dagalo បាន​និយាយ​ប្រាប់​ទូរទស្សន៍ Al Arabiya កាលពីថ្ងៃសៅរ៍ថា លោកនឹងមិន​ចរចា​ជាមួយ​មេបញ្ជាការ​កងទ័ព​ស៊ូដង់​លោកឧត្តមសេនីយ៍ Abdel Fattah al-Burhanនោះទេ ក្រោយការវាយ​ប្រហារ​រយៈ​ពេល ១សប្តាហ៍បានសម្លាប់មនុស្សរាប់រយនាក់ ។ 

លោក Dagalo និយាយថា លោកគ្មានបញ្ហាអ្វីជាមួយកងទ័ពនោះទេ ។ អ្វីទាំង​អស់​ដែល​យើង​ចង់​បាន​ គឺចង់ឲ្យលោក Burhan និងក្រុមអន្ធពាលរបស់លោកចុះចាញ់តែប៉ុណ្ណោះ ។ 

លោក​បន្តថា អ្នកណាក៏ដោយឲ្យតែឈ្នះសង្រ្គាមមួយនេះ គឺជាអ្នកចាញ់ ប៉ុន្តែ​ពួក​យើង​បន្ត​ធ្វើ​សង្រ្គាម គឺដោយសារតែលោក Burhan ។ អង្គការសុខភាពពិភពលោក(WHO) បាន​រាយការណ៍​កាល​ពីថ្ងៃសុក្រថា មនុស្ស ៤១៣នាក់ ត្រូវបានសម្លាប់ និងមនុស្ស ៣.៥៥១នាក់ បានរងរបួស ចាប់តាំងពីសង្រ្គាមផ្ទុះឡើង ៕ អត្ថបទ៖ សារ៉ាត់