កណ្ដាល ៖ បន្ទាប់ពីមានការកើនឡើងជាបន្តបន្ទាប់នូវអ្នកឆ្លងជំងឺកូវីដ-១៩ រដ្ឋបាលខេត្តកណ្ដាលគ្រោងបង្កើតក​ន្លែងសម្រាប់ព្យាបាល​អ្នកឆ្លង​ជំងឺកូវីដ-១៩មួយបន្ថែមទៀត នៅវិទ្យាល័យវឌ្ឍណៈឈូងលាភ ស្ថិតក្នុងសង្កាត់រកាខ្ពស់ ក្រុងតាខ្មៅ ខេត្តកណ្ដាល។​

នៅថ្ងៃទី៤ ខែឧសភា ឯកឧត្តម គង់ សោភ័ណ្ឌ អភិបាលនៃគណៈអភិបាលខេត្តកណ្ដាល បានដឹកនាំមន្ត្រីជំនាញ ចុះពិនិត្យវិទ្យាល័យ​វឌ្ឍណៈឈូងលាភ ក្នុងសង្កាត់រកាខ្ពស់ ក្រុងតាខ្មៅ ខេត្តកណ្ដាល ដើម្បីរៀបចំជាកន្លែងសម្រាប់ព្យាបាលអ្នកមានផ្ទុកមេរោគកូវីដ-១៩ នៅក្នុងខេត្តកណ្ដាល។ ក្នុងពេលចុះពិនិត្យទីតាំងនេះ​ ឯកឧត្តម គង់ សោភ័ណ្ឌ បានឱ្យដឹងថា គិតត្រឹមថ្ងៃទី៣ ខែឧសភា ឆ្នាំ២០២១ខេត្តកណ្ដា លមានអ្នកវិជ្ជមានមេរោគកូវីដ-១៩ ចំនួន១៣៧៣នាក់ ដែលតួលេខនេះនៅតែបន្តមានការកើនឡើងជាបន្តបន្ទាប់ ទើបតម្រូវឱ្យរដ្ឋបាលខេត្តកណ្ដាល បង្កើតមណ្ឌលសម្រាប់ព្យាបាលអ្នកផ្ទុកមេរោគកូវីដ-១៩ថ្មីបន្ថែមទៀត នៅវិទ្យាល័យវឌ្ឍណៈឈូងលាភ។

ឯកឧត្តមក៏បានណែនាំដល់អាជ្ញាធរក្រុងតាខ្មៅ ត្រូវរៀបចំទីកន្លែងនេះឱ្យបានសាកសមជាកន្លែងសម្រា ប់ព្យាបាលអ្នកជំងឺកូវីដ១៩ ដោយត្រូវ​មានបន្ទប់អនាម័យឱ្យបានត្រឹមត្រូវ និងរៀបចំទីនេះឱ្យមានផាសុខភាព​ ដេីម្បីឆ្លេីយតបទៅនឹងស្ថានភាពនៃរាលដាលអ្នកឆ្លងជំងឺកូវីដ១៩​ផងដែរ៕​ អត្ថបទ ៖ឧត្ដម