នៅថ្ងៃសៅរ៍ (២២ មេសា) មនុស្សរាប់សិបនាក់ បានដើរដង្ហែក្បួនប្រឆាំង​នឹង​កំណែ​ទម្រង់​សង្គម​ និង​សេដ្ឋកិច្ច​ដ៏​ចម្រូងចម្រាសរបស់ប្រធានាធិបតីឆ្វេងនិយមលោក Gustavo Petro ដែល​បាន​ធ្វើ​ឲ្យ​ក្រុម​ប្រឆាំង​នៅ​លើ​ផ្លូវសង្រ្គាម។

បាតុករគ្រវីទង់ជាតិកូឡុំប៊ី និងសញ្ញាជាតិ ប្រឆាំងនឹងប្រធានាធិបតី បាន​ធ្វើ​ដំណើរ​ទៅ​កាន់​ទីលាន​ចតុរង្គ Bolivar ក្នុងទីប្រជុំជន នៃរដ្ឋធានី Bogota ជាកន្លែង​ក្រុម​បាតុករ​ប្រមូល​ផ្ដុំគ្នា​ដើម្បី​ធ្វើ​ការ​តវ៉ា​នៅ​ឯសភា ព្រមទាំងជាកន្លែងគេពិភាក្សាអំពីកំណែទម្រង់នោះ។

នៅក្នុង​ខែ​កុម្ភៈ និងខែមីនា លោក Petro បានធ្វើបទ​បង្ហាញ​ដល់​សភា​អំពី​កំណែ​ទម្រង់​មួយ​ចំនួន​ស្តីពី​ការ​ថែ​ទាំ​សុខភាព ការងារ និងប្រព័ន្ធសោធននិវត្តន៍ ដែល​ជា​គំនិត​ផ្តួច​ផ្តើម​សំខាន់ៗ​ក្នុង​អាណត្តិ​របស់​គាត់ ដើម្បីប្រយុទ្ធប្រឆាំងនឹងភាពក្រីក្រ។

សេចក្ដីស្នើ​ច្បាប់កាត់បន្ថយម៉ោងធ្វើការពី ៤៨ ទៅ ៤២ ម៉ោងក្នុងមួយសប្ដាហ៍នោះ ការធានា​ប្រាក់​ចំណូល​ប្រចាំខែជាមូលដ្ឋាន សម្រាប់ប្រជាជនកូឡុំប៊ីដែលមិនមានប្រាក់សោធននិវត្តន៍ និង​បង្កើត​ស្ថាប័ន​រដ្ឋាភិបាល ដែលជាអ្នកទទួលរ៉ាប់រងលើការចំណាយទៅឲ្យគ្លីនិក និងមន្ទីរពេទ្យ ស្ថិត​ក្នុង​ចំណោម​តម្រូវការផ្សេងៗទៀត៕ អត្ថបទ៖ ទាវ