សិល្បៈកែច្នៃឡើងវិញ និងក្រុមរូបចម្លាក់ចល័តប្រើកម្លាំងមនុស្សបានបង្ហាញពីទិវាផែនដីនៅកោះ Key West ខណៈដែលការដង្ហែចម្លាក់ Papio Kinetic និងក្រុមសិល្បៈ Bike Parade បាន​ឆ្លង​កាត់​ទីប្រជុំ​ជន​ប្រវត្តិសាស្ត្ររបស់កោះនេះកាលពីថ្ងៃសៅរ៍ (២២ មេសា)។

ការិយាល័យព័ត៌មាន Florida Keys បានរាយការណ៍ថា ក្បួនដង្ហែកាលពីថ្ងៃសៅរ៍ បានបង្ហាញ​រូប​ចម្លាក់​បណ្តែត​ចំនួន ២១ ដែលត្រូវបានបង្កើតឡើងជាមួយនឹងសម្ភារៈកែច្នៃឡើងវិញ។

ការិយាល័យ​ព័ត៌មាន Florida Keys បានរាយការណ៍ថា ក្រុមអ្នក​គាំ​ទ្រ​សិល្បៈ​កែច្នៃ​ឡើង​វិញ​ក៏​អាច​ស្វែង​យល់​ពី​ភាព​យន្ត​ប្រវត្តិសាស្រ្ត "Stanley Papio: Junkyard Rebel" នៅឯសារមន្ទីរ Fort East Martello របស់កោះ Key West ផងដែរ។

ក្រុមអ្នកធ្វើយុទ្ធនាការប្រែប្រួលអាកាសធាតុបានប្រមូលផ្តុំគ្នានៅទូទាំងពិភពលោក ដោយ​មាន​ក្រុម​អ្នក​ស្ម័គ្រចិត្តទូទាំងពិភពលោកដាំដើមឈើ និងបោសសំរាម ដើម្បីប្រារព្ធខួបលើកទី ៥៤ នៃ​ទិវា​បរិស្ថាន។

ទិវាភពផែនដីឆ្នាំនេះ ប្រារព្ធឡើង​ជា​ផ្លូវ​ការ​នៅ​ថ្ងៃ​សៅរ៍​បន្ទាប់​ពីប៉ុន្មាន​សប្តាហ៍​នៃ​អាកាស​ធាតុ​ដ៏​អាក្រក់​ជាមួយ​នឹងសីតុណ្ហភាពកើនឡើងដល់កម្រិតខ្ពស់បំផុតនៅក្នុងប្រទេសថៃ ព្រមទាំង​រលក​កម្តៅ​នៅ​ក្នុង​ប្រទេសឥណ្ឌា ដែលយ៉ាងហោចណាស់មនុស្ស ១៣ នាក់បា​ន​ស្លាប់​ដោយ​សារ​សុរិយរោគ ឬ​ការ​ថប់​ដង្ហើម​ដោយ​សារ​កម្តៅ​ខ្ពស់​ពេក​នៅ​ក្នុង​ពិធី​បុណ្យ​មួយ​កាល​ពី​ចុង​សប្តាហ៍​មុន​៕ អត្ថបទ៖ វ៉ាន់ ស្រីទាវ