មន្ត្រីនគរបាលរដ្ឋបាននិយាយនៅថ្ងៃអាទិត្យ ទី២៣ ខែមេសាថា នគរបាលឥណ្ឌាបានចាប់ខ្លួន​អ្នកគាំទ្រ​ចលនា​បំបែកខ្លួន លោកSikh Amritpal Singh បន្ទាប់ពីស្វែង​រក​ជន​នេះ​អស់​រយៈពេល​ជាង​មួយ​ខែ ជាវិធានការឆាំងនឹព្យាយាមស្តារឡើងវិញនៃមាតុភូមិឯករាជ្យមួយនៅក្នុងរដ្ឋ Punjab ជាប់​ព្រំដែនប្រទេសប៉ាគីស្ថាន។

ការចាប់ខ្លួនលោក Amritpal Singh អាយុ ៣០ឆ្នាំ ដែលដឹកនាំក្រុមមួយឈ្មោះថា Waris Punjab De (អ្នកស្នងមរតកនៃរដ្ឋ Punjab) កើតឡើង​បន្ទាប់​ពី​គ្រូ​ប្រដៅ​ខាង​សាសនា​ស្វ័យ​ប្រកាស និង​ក្រុមអ្នកគាំទ្ររាប់រយនាក់ បានសម្រុកចូលប៉ុស្តិ៍នគរបាលដោយប្រើដាវ និងអាវុធ ទាម​ទារ​ឱ្យមានការដោះលែងជំនួយការម្នាក់របស់គ្រូបង្រៀនខាងសាសនារូបនេះ។

នគរបាលបានចោទប្រកាន់លោក Singh និងក្រុមអ្នកគាំទ្ររបស់គាត់ពីបទប៉ុនប៉ងមនុស្សឃាត រារាំង​ការអនុវត្តច្បាប់ និងបង្កើតភាពមិនចុះសម្រុងគ្នា ហើយ​និយាយថា​គាត់​បាន​រត់​គេច​ខ្លួន​តាំង​ពី​ពាក់​កណ្តាល​ខែ​មីនា។

មន្ត្រីនគរបាលបាននិយាយថា បុគ្គលនេះ ត្រូវបានចាប់ខ្លួននៅក្នុងភូមិ gurudwara ជាវត្ត​សាសនា Sikhមួយកន្លែង ក្រោម​ច្បាប់​សន្តិសុខ​ជាតិ​អនុញ្ញាត​ឱ្យ​ជន​ទាំង​ឡាយ​ណា​ដែល​ត្រូវ​ចាត់​ទុក​ថា​ជា​ការគំរាមកំហែងដល់សន្តិសុខជាតិ ត្រូវឃុំខ្លួនដោយ​មិនចាំ​បាច់​មាន​ការ​ចោទ​ប្រកាន់​រហូត​ដល់​មួយ​ឆ្នាំ៕ អត្ថបទ៖ វ៉ាន់ ស្រីទាវ