មនុស្សជាង ៣.000នាក់ ត្រូវបានជម្លៀសចេញពីលំនៅស្ថានរបស់ពួកគេ នៅក្នុងទីក្រុង Belgorod នៃប្រទេសរុស្ស៊ី បន្ទាប់ពីបែកមិនទាន់ផ្ទុះមួយគ្រាប់ ត្រូវបានរកនៅក្នុងតំបន់នោះ។

ហេតុការណ៍នេះកើតឡើងរយៈពេលពីរថ្ងៃ បន្ទាប់ពីប្រទេសរុស្ស៊ី បាន​ទម្លាក់​គ្រាប់បែក​ដោយចៃដន្យ​ទៅ​លើ​ទីក្រុងដដែលនេះ ដោយបានបំផ្លាញ​លំនៅស្ថាន និង​បាន​បណ្តាល​ឱ្យ​មនុស្ស​មួ​យ​ចំនួនរងរបួស។ ទីក្រុងនេះស្ថិតនៅចម្ងាយប្រហែល ៤០គីឡូម៉ែត្រ (២៥ ម៉ាយ) ពីព្រំដែន​ប្រទេស​អ៊ុយក្រែន។

អភិបាលក្នុង​តំបន់ លោក Vyacheslav Gladkov បានបញ្ជាក់នៅលើសារតេឡេក្រាមថា អគារ​ផ្ទះល្វែង​ចំនួន ១៧ខ្នង ត្រូវបានហ៊ុមព័ទ្ធ «ក្នុងរង្វង់ ២០០ ម៉ែត្រ» ដែលប៉ះ​ពាល់​ដល់​អ្នក​ស្រុក​ចំនួន​ ៣.០០០នាក់។

បន្ទាប់ពីឧបទ្ទវហេតុនោះ ក្រសួងការពារជាតិរុស្ស៊ីបានទទួលស្គាល់ថា មួយក្នុង​ចំណោម​យន្តហោះ​ចម្បាំង​ Su-34 របស់ខ្លួនបាន «បានទម្លាក់គ្រាប់បែកពីយន្តហោះដោយចៃដន្យ» ទៅលើ​ទី​ក្រុង​នេះ​៕ អត្ថបទ៖ វ៉ាន់ ស្រីទាវ