កាលពីថ្ងៃសៅរ៍ (២២ មេសា) នាគយក្សមួយក្បាល​បានត្រូវ​ឆាបឆេះ​អំឡុង​ពេល​ការ​សម្ដែង​មួយ​នៅ​ឧ​ទ្យានកម្សាន្ត Disneyland ក្នុងរដ្ឋ California ។

វីដេអូ​ដែលបានបង្ហោះនៅលើប្រព័ន្ធផ្សព្វផ្សាយសង្គម បានបង្ហាញ​ពី​ការ​ឆាប​ឆេះ​យ៉ាង​សន្ធោ​សន្ធៅ​ក្នុង​អំឡុង​ការសម្តែង “ដ៏អស្ចារ្យ” ដែលជាការបង្ហាញទឹក និងកាំជ្រួចភ្ញីនៅពេលយប់ នៅ​ពេល​មនុស្ស​មើល​ពី​កន្លែងទស្សនានៅមាត់ទឹក។

ប្រព័ន្ធផ្សព្វផ្សាយក្នុងស្រុកបានរាយការណ៍ថា ករណីភ្លើងនេះ បានបណ្តាលឱ្យតំបន់សួនកម្សាន្ត ជម្លៀស​មនុស្សចេញ និងបិទដោយគ្មានពេលកំណត់។ នាយកដ្ឋានពន្លត់អគ្គីភ័យ Anaheim បាន​និយាយ​ថា ពុំមានរបាយការណ៍បញ្ជាក់ពីអ្នករងរបួសបន្ទាប់ពីឧបទ្ទវហេតុនេះទេ ហើយ​មូល​ហេតុ​ នៃ​ការ​ឆេះ​នេះ ក៏មិនទាន់ដឹងនៅឡើយដែរ៕ អត្ថបទ៖ វ៉ាន់ ស្រីទាវ