ប្រទេសអាហ្ស៊ែបៃហ្សង់ បាននិយាយកាលពីថ្ងៃអាទិត្យថា ខ្លួនបានបង្កើតប៉ុស្តិ៍ត្រួតពិនិត្យមួយនៅ​តាមផ្លូវទៅកាន់តំបន់ប្រកួតប្រជែង Nagorno-Karabakh ជាជំហានមួយដែលត្រូវបានកើតឡើង​ក្រោយការអះអាងថា មានករណីបាញ់ប្រហារឆ្លងព្រំដែនទាំងកងកម្លាំងអាហ្ស៊ែបៃហ្សង់ ទាំងកងកម្លាំងរបស់ប្រទេសអាមេនី។

តំបន់ Nagorno-Karabakh ត្រូវបានទទួលស្គាល់ជាអន្តរជាតិថាជាផ្នែកមួយរបស់ប្រទេស​អាហ្ស៊ែបៃហ្សង់ ប៉ុន្តែអ្នកស្រុកចំនួន ១២០.០០០នាក់​ ភាគច្រើនគឺជាជនជាតិភាគតិចអាមេនី ហើយបានបំបែកចេញពីរដ្ឋធានី Bakuរបស់អាហ្ស៊ែបៃហ្សង់ នៅក្នុងសង្រ្គាមកាលពីដើម ទសវត្សរ៍ឆ្នាំ១៩៩០។

អាហ្ស៊ែបៃហ្សង់ បាននិយាយថា ខ្លួនបានបង្កើតប៉ុស្តិ៍ត្រួតពិនិត្យមួយនៅលើផ្លូវទៅកាន់តំបន់ Karabakh ជាជំហានមួយដែលខ្លួននិយាយថា ជារឿងសំខាន់ទាក់ទងទៅនឹងអ្វីដែលខ្លួន​មើល​ឃើញថា​ ជាការប្រើប្រាស់ផ្លូវរបស់អាមេនីក្នុងការដឹកជញ្ជូនអាវុធ។

ក្រសួងការបរទេសនិយាយថា អាហ្ស៊ែបៃហ្សង់បានចាត់វិធានការយ៉ាងសមស្រប​ដើម្បីគ្រប់គ្រង​នៅចំណុចចាប់ផ្ដើមរបស់ផ្លូវនេះ។

ការផ្ដល់សន្តិសុខតាមព្រំដែន ព្រមទាំងការធានាសុវត្ថិភាពចរាចរណ៍​ នៅតាមផ្លូវ គឺជា​បុព្វសិទ្ធិរបស់​រដ្ឋាភិបាលអាហ្ស៊ែបៃហ្សង់ និងជាបូរេ​លក្ខខណ្ឌលត្រូវតែបំពេញ​ដ៏សំខាន់​សម្រាប់សន្តិសុខជាតិ អធិបតេយ្យភាពរបស់រដ្ឋ ​និងវិធានច្បាប់៕