គណបក្សប្រជាធិបតេយ្យសេរីនិយមកំពុងកាន់អំណាចរបស់ប្រទេសជប៉ុន ដែលដឹកនាំដោយនាយករដ្ឋមន្ត្រីលោក Fumio Kishida បានឈ្នះការបោះឆ្នោតចំនួន៤ ក្នុងចំណោមការបោះឆ្នោតពិសេសចំនួន៥ សម្រាប់សភា ដែលបានធ្វើឡើងកាលពីថ្ងៃអាទិត្យ ខណៈគណបក្សប្រឆាំង Nippon Ishin no Kai (គណបក្សនវានុវត្តន៍ជប៉ុន) បានឈ្នះការបោះឆ្នោតពិសេសតែមួយ។

គណបក្សប្រជាធិបតេយ្យសេរីនិយម បានឈ្នះលើបេក្ខជនគណបក្សប្រឆាំងក្នុងមណ្ឌលបោះឆ្នោត​ចំនួន៣ របស់សភាតំណាងរាស្ត្រ ជាសភាជាន់ទាប និងមណ្ឌលបោះឆ្នោតមួយនៃសមាជិកក្រុម​ប្រឹក្សាសភា ជាសភាជាន់ខ្ពស់។

គណបក្ស Nippon Ishin បានចាញ់គណបក្សប្រជាធិបតេយ្យសេរីនិយមចំពោះការធានា​បាន​អាសនៈជាថ្មីសម្រាប់សភាជាន់ទាប ខណៈគណបក្សប្រជាធិបតេយ្យរដ្ឋធម្មនុញ្ញ ជា​គណបក្ស​ប្រឆាំងធំរបស់ប្រទេសជប៉ុន បានចាញ់នៅក្នុងមណ្ឌលបោះឆ្នោតចំនួន៣ទាំងអស់ ជា​កន្លែងដែលគណបក្សនេះរៀបចំបេក្ខជនផ្លូវការ។

ក្រុមអ្នកអង្កេតការណ៍ និយាយថា ដោយគណបក្សប្រជាធិបតេយ្យសេរីនិយម បានជំរុញកម្លាំង​របស់ខ្លួន ក្នុងមណ្ឌលបោះឆ្នោតទាំង៥ ​ដណ្តើមបានអាសនៈចំនួន៤ កើនពីចំនួន៣អាសនៈដែល​បានរំពឹងទុកមុនការបោះឆ្នោតនោះ រដ្ឋបាលរបស់លោក Kishida ត្រូវបានគេរំពឹងថានឹងទទួល​បាន​កម្លាំង​ជំរុញ​ឈានដល់ទំហំពិតប្រាកដ ​និងការ​សន្និដ្ឋាន​ពីការរំលាយសភាជាន់ទាប សម្រាប់ការ​បោះឆ្នោតមុនអាណត្តិ ​អាចកើនឡើងនៅក្នុងគណបក្សប្រជាធិបតេយ្យសេរីនិយមនេះ។

នៅក្នុងមណ្ឌលបោះឆ្នោតសភាជាន់ទាបលេខ៥ ក្នុងខេត្ត Chiba ភាគខាងកើតទីក្រុងតូក្យូ លោក Eri Arfiya ដែលរៀបចំដោយគណបក្សប្រជាធិបតេយ្យសេរីនិយម បានឈ្នះការប្រកួតប្រជែង​ដ៏ប្រកៀក​ជាមួយលោក Kentaro Yazaki មកពីគណបក្សប្រជាធិបតេយ្យរដ្ឋធម្មនុញ្ញជាគណបក្សប្រឆាំងធំ​របស់​ប្រទេសជប៉ុន និងបេក្ខជនផ្សេងទៀត។

អាសនៈមួយបានស្ថិតនៅទំនេរ ​បន្ទាប់ពីលោក Kentaro Sonoura ​អតីតសមាជិកគណបក្ស​ប្រជាធិបតេយ្យ​សេរីនិយម បានលាលែងដោយសារតែរឿងអាស្រូវមូលនិធិនយោបាយ។