ហ្វូងមនុស្ស​ដែល​កំពុង​សប្បាយរីករាយ​ទស្សនាការ​សម្ដែង​ផ្ទាល់​នៅ​សួន​កម្សាន្ត Disneyland​ក្នុង​រដ្ឋ California សហរដ្ឋអាមេរិក បាន​រត់គេច​យ៉ាង​ស្លន់ស្លោរ​កាលពី​យប់​ថ្ងៃ​សៅរ៍ នៅពេល​សំណង់​សត្វ​នាគ​យក្ស​បែប​គំនូ​ជីវ​ច​ល ត្រូវបាន​ភ្លើង​ឆេះ​យ៉ាង​សន្ធោរ​សន្ធៅ​។

​វីដេអូ​តាម​បណ្ដាញ​សង្គម បង្ហាញ​ពី​សំណង់​នាគ​ព្រួស​ភ្លើង Maleficent កម្ពស់​១៣​ម៉ែត្រ ត្រូវបាន​ភ្លើង​ឆាបឆេះ បំផ្លាញ​យ៉ាង​សន្ធោរ​សន្ធៅ ខណៈ​ក្រុម​ពន្លត់​អគ្គិភ័យ​ព្យាយាម​ពន្លត់​អណ្ដាតភ្លើង​។

​អគ្គិភ័យ​បានកើត​ឡើង​អំឡុង ការសម្ដែង Fantasmic ជាការ​សម្ដែង​ផ្ទាល់ បង្ហាញ​ពី​ការបាញ់ទឹក កាំជ្រួច​ភ្ញី និង Mickey Mouse(​កណ្តុរ​មី​ក​គី​)​។

​ពុំមាន​នរណាម្នាក់​រង​របួស​ទេ អំឡុង​អគ្គិភ័យ​នោះ​។​

​នៅ​ឆាក​មួយ ការផ្ទុះ​ឆេះ​ដ៏​ធំ​មួយ​ចេញពី​នាគ យក្ស ខណៈ​ហ្វូងមនុស្ស​អាច​លឺ​សំឡេង​ភ្ញាក់​ផ្ញើ​ល ហើយ​បុគ្គលិក​សួន​នេះ បាន​ស្រែក​ឲ្យ​ចាក​ចេញពី​តំបន់​នោះ​។

​ក្រុមហ៊ុន Disney បាន​និយាយ​ក្នុង​សេចក្ដីថ្លែងការណ៍​ថា ដោយសារតែ​ផ្សែង​ក្រាស់​ពេក ក្រុម​អ្នកគ្រប់គ្រង​នៅ​សួន​នេះ ត្រូវបាន​ជម្លៀស​ចេញពី​ទីតាំង​មួយចំនួន​ក្បែរ​នោះ ។

​សេចក្ដីថ្លែងការណ៍​ខាងលើ​បាន​បន្ថែមថា មូលហេតុ​ដែល​នាំ​ឲ្យ​មាន​អគ្គិភ័យ​កើតឡើង​នៅ​កំពុង​ស៊ើបអង្កេត​នៅឡើយ ហើយ​កន្លែង​ដែលមាន​អគ្គិភ័យ​ស្រដៀង​គ្នា​នឹងត្រូវ​ផ្អាក​គ្រប់​សកម្មភាព​កម្សាន្ត​ទាំងអស់​ជុំវិញ​ពិភពលោក ដើម្បី​ជៀសវាង​មាន​គ្រោះថ្នាក់​ណាមួយ​៕​