ព្រះសីហនុ៖ នាវាទេសចរណ៍បរទេស០១គ្រឿង ឈ្មោះ EUROPA 2 សញ្ជាតិ MALTA បានចូលចតនៅកំពង់ផែស្វយ័តអន្តរជាតិក្រុងព្រះសីហនុ នៅថ្ងៃទី២៥ ខែមេសា ឆ្នាំ២០២៣ ដើម្បីធ្វើទស្សនកិច្ចនៅខេត្តព្រះសីហនុ នៃព្រះរាជាណាចក្រកម្ពុជា។

នាយនាវីទីបញ្ជាការជួរមុខមួយរូប បានឱ្យដឹងថា នាវានេះ បានធ្វើដំណើរមកពីប្រទេសវៀតណាម និងចាកចេញទៅប្រទេសថៃ វេលានៅយប់ថ្ងៃខែឆ្នាំដដែល។

នាវានេះផ្ទុកអ្នកដំណើរសរុបចំនួន ៧១០នាក់ ក្នុងនោះ មានភ្ញៀវទេសចរ ៣៤៣នាក់ ស្រី ១៧៤នាក់ ស្មើ ១៥សញ្ជាតិ និងនាវិក ៣៦៧នាក់ ស្រី ៨៨នាក់ ស្មើ ២៤សញ្ជាតិ ភ្ញៀវច្រើនជាងគេគឺសញ្ជាតិ German ២៩៣នាក់។ លក្ខណៈបច្ចកទេសនាវា គឺមានបណ្ដោយជាង២០០ម៉ែត្រ ទទឹងជិត ៣០ម៉ែត្រ និងជំរៅទឹកជាង៦ម៉ែត្រ។