ប្រធានាធិបតីប្រទេសកូរ៉ខាងត្បូង លោក Yoon Suk-yeol បានទៅដល់សហរដ្ឋអាមេរិក នៅថ្ងៃអង្គារទី២៥ ខែមេសានេះ ក្នុងបំណងពង្រឹងចំណងមិត្តភាពសេដ្ឋកិច្ច និងសន្តិសុខ ស្របពលមានការព្រួយបារម្ភជុំវិញប្រទេសជិតខាងដែលកំពុងកើនឥទ្ធិពលខ្លាំង។ លោកកំណត់ពេលជួបជាមួយប្រធានាធិបតីសហរដ្ឋអាមេរិក លោក Joe Biden នៅសេតវិមាននៅថ្ងៃពុធ ជាទីដែលមេដឹកនាំទាំំងពីរ ត្រូវបានគេរំពឹងថា នឹងពិភាក្សាពីការទប់ទល់ឥទ្ធិពលដែលកំពុងកើនឡើងរបស់ប្រទេសចិន មហិច្ឆិតានុយក្លេអ៊ែររបស់ប្រទេសកូរ៉េខាងជើង និងសង្គ្រាមនៅក្នុងប្រទេសអ៊ុយក្រែន។
ដំណើរទស្សនកិច្ចកម្រិតខ្ពស់របស់លោក Yoon ចាប់ពីថ្ងៃទី២៤ ដល់ថ្ងៃទី២៩ ខែមេសា ជាដំណើរទស្សនកិច្ចផ្លូវរដ្ឋលើកដំបូងទៅកាន់សហរដ្ឋអាមេរិក ដោយមេដឹកនាំកូរ៉េខាងត្បូងចាប់តាំងពីឆ្នាំ២០១១ មក។
វានឹងជាការប្រារព្ធខួបលើកទី៧០នៃសម្ព័ន្ធភាពរបស់ប្រទេសទាំងពីរ។ អ្នកវិភាគជឿថា លោក Yoon មានបំណងចាកចេញពីទីក្រុងវ៉ាស៊ីនតោនដោយការប្តេជ្ញាចិត្តដ៏រឹងមាំ ខណៈមានមន្ទិលកើនឡើងខ្លាំងជាសាធារណៈនៅកូរ៉េខាងត្បូងចំពោះការពឹងផ្អែកលើការការពាររបស់សហរដ្ឋអាមេរិក ក្នុងពេលមានភាពតានតឹងផ្នែកយោធាជាមួយប្រទេសកូរ៉េខាងជើង។
លោក Danny Russel អនុប្រធានសន្តិសុខអន្តរជាតិ និងការទូត នៅវិទ្យាស្ថាននយោបាយសង្គមអាស៊ី បាននិយាយថា ប្រជាជនកូរ៉េខាងត្បូង អាចមានទំនុកចិត្តកាន់តែតិចក្នុងការប្តេជ្ញាចិត្តក្នុងការធានាដោយនុយក្លេអ៊ែររបស់សហរដ្ឋអាមេរិក ចំពោះប្រទេសកូរ៉េខាងត្បូង ជាងដែលពួកគេធ្លាក់ទុកចិត្តកាលពីអតីតកាល។ ដូច្នេះវាពិតជាមានសារៈសំខាន់សម្រាប់ដំណើរទស្សនកិច្ចនេះ ដើម្បីទទួលបានអ្វីមួយដែលអាចមើលឃើញ ស្តាប់ឮ និងជឿជាក់។
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
