WHO ៖ អង្គការសុខភាពពិភពលោក(WHO)និយាយថា មានហានិភ័យខ្ពស់នៃគ្រោះថ្នាក់ជីវសាស្រ្តនៅក្នុង​មន្ទីរ​ពិសោធន៍ដែលត្រូវបានដណ្តើមគ្រប់គ្រងនៅក្នុងប្រទេសកំពុងមានជម្លោះស៊ូដង់ ។ 

ក្រុមមន្រ្តីនិយាយថា គេនៅមិនទាន់ដឹងច្បាស់នោះទេថាតើភាគីណាមួយនៅពីក្រោយ​ការកាប់កាប់​មន្ទីរសុខភាព​សាធារណៈជាតិ ស្ថិតនៅក្នុងទីក្រុង Khartoum ។ 

ទីក្រុងមួយនេះ ត្រូវបានខ្ទេចខ្ទីដោយសារសង្រ្គាមរវាងកងទ័ពស៊ូដង់ និងកងកម្លាំងគាំទ្ររហ័ស (RSF)។ 

WHOនិយាយប្រាប់ BBCកាលពីថ្ងៃអង្គារថា ក្រុមការងារលែងអាចចូលទៅដល់មន្ទីរពិសោធន៍មួយនេះទៀតហើយ ហើយពួកគេបានព្រមានថា ការកាត់ផ្តាច់ចរន្តអគ្គិសនី នឹងមិនអាចគ្រប់គ្រងសម្ភារៈនៅ​ក្នុងមន្ទីរពិសោធន៍ឲ្យ​បានត្រឹមត្រូវបាននោះទេ ។ 

ក្រុមមន្រ្តីនិយាយថា សម្ភារៈជីវសាស្រ្ត និងគីមីយ៉ាងច្រើន បានស្តុកនៅក្នុងមន្ទីរពិសោធន៍នោះ ។ មន្ទីរពិសោធន៍មួយនេះ ផ្ទុកដោយមេរោគកញ្ជ្រិល និងអាសន្នរោគ ក៏ដូចជាសម្ភារៈគ្រោះថ្នាក់ជាច្រើនទៀត ។ កង្វះចរន្តអគ្គិសនី នឹងធ្វើឲ្យស្តុកប្លោកឈាមដែលទុកនៅក្នុងមន្ទីរពិសោធន៍ ប្រឈមនឹងការខូចផងដែរ ៕ ដោយ ៖ សារ៉ាត់