ភ្នំពេញ៖ ផលិតផលតែសុខភាពគីរីរម្យ ក្លាយជាផលិតផលខ្មែរ ទី១ ដែលទទួលបានកម្មសិទ្ធបញ្ញាអន្តរជាតិ សម្រាប់ការធ្វើអាជីវកម្ម ការផ្គត់ផ្គង់និងចែកចាយនៅលើទីផ្សារ ជំរុញដល់ ការនាំចេញ ដោយឈរលើគោលការណ៍ប្រកួតប្រជែងដោយស្មោះត្រង់ មិនក្លែងបន្លំ និងលួចស្នាដៃកម្មសិទ្ធិបញ្ញាអ្នកដ៏ទៃ មកធ្វើអាជីវកម្ម។
ឧកញ៉ាឱសថបណ្ឌិត ហៃ លីអ៊ាង ស្ថាបនិក និងជាប្រធានអគ្គនាយកក្រុមហ៊ុនខនហ្វីរេល លើកឡើង នៅថ្ងៃទី២៦ ខែមេសា ឆ្នាំ២០២៣ នេះថា បានបញ្ជាក់ថា ចំពោះទទួលបានកម្មសិទ្ធបញ្ញា ពិតជាស័ក្តិសមនៅក្នុងស្នាដៃរបស់ខ្លួន ខណៈដែលការដាក់ពាក្យស្នើរសុំកម្មសិទ្ធបញ្ហានេះ បានវាយតម្លៃទទួលស្គាល់យ៉ាងច្បាស់ ប្រកបដោយប្រសិទ្ធភាពខ្ពស់ ដែលបញ្ហានេះបានបង្ហាញឲ្យឃើញថា សហគ្រិនខ្មែរកំពុងមានការអភិវឌ្ឍន៍នៅក្នុងអាជីវកម្មកាន់ល្អប្រសើរ ពីមួយឆ្នាំទៅមួយឆ្នាំ។
ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងជាប្រធានគណៈកម្មាធិការជាតិគ្រប់គ្រងកម្មសិទ្ធិបញ្ញា លើកឡើងថាគោលដៅពង្រឹងកិច្ចសហការលើកកម្ពស់កម្មសិទ្ធិបញ្ញានៅកម្ពុជា រាជរដ្ឋាភិបាលកម្ពុជាបានបង្កើតគណៈកម្មាធិការជាតិគ្រប់គ្រងកម្មសិទ្ធិបញ្ញា ដែលមានសមាសភាព ១៧ ក្រសួង-ស្ថាប័ន ដើម្បីពង្រឹង និងពង្រីកកិច្ចសហប្រតិបត្តិការអន្តរជាតិ ជាមួយដៃគូអភិវឌ្ឍ និងអង្គការអន្តររដ្ឋាភិបាលទាំងក្នុងតំបន់ និងពិភពលោក។
សូមបញ្ជាក់ថា គិតត្រឹមបំណាច់ឆ្នាំ ២០២៣ នេះ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា នវានុវត្តន៍ ទទួលសំណើរលិខិតប្រកាសនីយបត្រកក្កកម្មមានចំនួនជិត ១ពាន់ ក្រុមហ៊ុន/សហគ្រាស ក្នុងនោះសម្រាប់ក្រុមហ៊ុនក្នុងស្រុក មានតែ ២ ក្រុមហ៊ុន/សហគ្រាស ដែលទទួលកម្មសិទ្ធបញ្ញា, ចំណែកលើផលិតផល កម្ពុជាទើបតែមានមួយក្រុមហ៊ុនប៉ុណ្ណោះ ដែលដែលទទួលកម្មសិទ្ធបញ្ញា នៅក្នុងការធ្វើអាជីវកម្ម៕ អត្ថបទ៖ សុន រ៉ាឌី,
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
