ឥណ្ឌា៖ ប្រទេសឥណ្ឌាបានពន្យារពេលការប្រឡង សម្រាប់ក្រុមវេជ្ជបណ្ឌិត និងគិលានុបដ្ឋាកដែលកំពុងទទួលការបណ្ដុះបណ្ដាលកាលពីថ្ងៃច័ន្ទ ដោយបញ្ជូនពួកគេទៅប្រយុទ្ធប្រឆាំងនឹងការកើនឡើង នៃការឆ្លងវីរុសកូរ៉ូណាដ៏ខ្ពស់បំផុតរបស់ពិភពលោក ខណៈដែលប្រព័ន្ធសុខភាពទ្រុឌទ្រោមក្រោមទម្ងន់នៃករណីឆ្លងថ្មី និងមន្ទីរពេទ្យអស់គ្រែ និងអុកស៊ីសែន។
នៅក្នុងសេចក្ដីថ្លែងការណ៍មួយបាននិយាយថា ខណៈមជ្ឈមណ្ឌលវេជ្ជសាស្ត្រនានាឡើងជិតដល់ចំណុចយ៉ាប់យ៉ឺនបំផុត រដ្ឋាភិបាលបានពន្យារពេលការប្រឡង សម្រាប់ក្រុមវេជ្ជបណ្ឌិត និងគិលានុបដ្ឋាក ដើម្បីអនុញ្ញាតឱ្យពួកគេមួយចំនួនចូលរួម ប្រយុទ្ធប្រឆាំងនឹងវីរុសកូរ៉ូណាជាមួយបុគ្គលិកដែលមានស្រាប់។ រហូតមកដល់ពេលនេះ ចំនួនអ្នកឆ្លងសរុបបានកើនឡើងដល់ជាង ២០លាននាក់ ដោយមានករណីឆ្លងប្រចាំថ្ងៃខ្ពស់បំផុតរយៈពេល ១២ថ្ងៃជាប់គ្នាជាង ៣សែននាក់។ ក្រុមអ្នកជំនាញផ្នែកវេជ្ជសាស្ត្រនិយាយថា ចំនួនជាក់ស្ដែងនៅក្នុងប្រទេសឥណ្ឌា អាចខ្ពស់ជាងចំនួន ៥ ទៅ ១០ដងដែលបានរាយការណ៍៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
