អាមេរិក ៖ អតីតប្រធានាធិបតីលោក Trump បានរក្សាការនាំមុខតួលេខពីរខ្ទង់លើសអភិបាលរដ្ឋFlorida លោក Ron DeSantis នៅក្នុងការស្ទង់មតិថ្មីរបស់សារព័ត៌មាន Fox News លើបេក្ខជនឈរឈ្មោះ​ជាប្រធានាធិបតី​ខាងសាធារណរដ្ឋ​បច្ចុប្បន្ននិងមានសក្តានុពល។

ការស្ទង់មតិដែលបានចេញផ្សាយកាលពីថ្ងៃពុធបានបង្ហាញថាលោក Trump នាំមុខដាចើឆ្ងាយក្នុងលទ្ធផល៥៣ភាគរយ​នៃអ្នកឆ្លើយតប ដែលគាំទ្រលោក ចំណែកឯលោក DeSantis ទទួលបានការគទ្រ ២១ ភាគរយ។ ការនាំមុខ ៣២ ពិន្ទុរបស់លោក Trump ចាប់ពីខែនេះគឺប្រហាក់ប្រហែលទៅនឹងការនាំមុខ ៣០ ពិន្ទុដែលគាត់ទទួលបានលើសលោក DeSantis នៅក្នុងការស្ទង់មតិកាលពីខែមុន។

លោកTrump និងអតីតឯកអគ្គរដ្ឋទូតសហរដ្ឋអាមេរិកប្រចាំនៅអង្គការសហប្រជាជាតិលោកស្រី Nikki Haley បាន​ប្រកាស​ជាផ្លូវការនូវបេក្ខភាពរបស់ខ្លួន ខណៈដែលលោក DeSantis និង លោក Pence មិនទាន់បានប្រកាសនៅឡើយ ប៉ុន្តែត្រូវបានគេប៉ាន់ប្រមាណយ៉ាងទូលំទូលាយថាពួកលោកជាបេក្ខជនដ៏មានសក្តានុពលផងដែរ។

ការស្ទង់មតិបានរកឃើញថា ការវាយតម្លៃលទ្ធផលគាំទ្ររបស់លោក Biden និង លោក Trump គឺប្រហាក់ប្រហែលគ្នា ដោយ ៤៤ភាគរយនៃអ្នកឆ្លើយតបជាទូទៅគាំទ្រលោក Biden និង ៤៣ ភាគរយគាំទ្រលោក Trump ៕ ដោយ ៖ ស្រីទាវ