ប្រធានាធិបតីរុស្ស៊ី លោក Vladimir Putin បាននិយាយកាលពីថ្ងៃសុក្រថា រុស្ស៊ីចាំបាច់ត្រូវធ្វើសកម្មភាពឲ្យបានឆាប់រហ័ស ដើម្បីទប់ទល់នូវអ្វីដែលលោកបានចាត់ទុកថា ជាការឈ្លានពានសេដ្ឋកិច្ច របស់ប្រទេសលោកខាងលិច និងបាននិយាយថា ទីក្រុងមូស្គូ និងពង្រីកទំនាក់ទំនង ជាមួយបណ្តាប្រទេសអាស៊ី-អឺរុប អាមេរិកឡាទីន និងទ្វីបអាហ្វ្រិក។  

លោកPutin បានថ្លែងទៅកាន់កិច្ចប្រជុំរបស់សមាជិកសភារុស្ស៊ី ក្នុងទីក្រុង St. Petersburg ថា បច្ចុប្បន្នក្នុងការប្រឈមមុខចំពោះការឈ្លានពានសេដ្ឋកិច្ចរបស់ប្រទេសលោកខាងលិច សភា រដ្ឋាភិបាល អាជ្ញាធរក្នុងតំបន់និងប្រចាំតំបន់ទាំងអស់ចាំបាច់ត្រូវធ្វើសកម្មភាពឲ្យបានច្បាស់លាស់ និងយ៉ាងឆាប់រហ័ស ដោយធ្វើការជាក្រុមដ៏រឹងមាំមួយ។