ឥណ្ឌា ៖ ការរាប់ចំនួនប្រជាជនរាប់លាននាក់ពុំមែនជាភារកិច្ចងាយស្រួលនោះទេ ប៉ុន្តែអង្គការសហប្រជាជាតិនិយាយថា ការគណនាចុងក្រោយ​របស់ខ្លួនបង្ហាញថានៅដំណាច់សប្តាហ៍នេះ ប្រទេសឥណ្ឌា នឹងមានប្រជាជន​ច្រើនជាង​ប្រទេសចិន ដែលនឹងបង្ហាញពីការផ្លាស់ប្តូរសម័យកាលក្នុងប្រជាសាស្ត្រសកល។

ប្រជាជនភាគច្រើននៃពិភពលោក បានកើនឡើងនៅប្រទេសចិន ដែលកំពុងទទួលតំណែង​ជាប្រទេសមាន​ប្រជាជន​ច្រើនបំផុត ប៉ុន្តែគោលនយោបាយរឹតត្បិតច្រើនទសវត្សរ៍ដែលកំណត់ឲ្យគ្រួសារទាំងអស់មានកូនតែមួយ បានធ្លាក់ចុះយ៉ាងខ្លាំងនូវអត្រាកំណើតរបស់ប្រទេសចិន ដែលទុកឲ្យប្រទេសឥណ្ឌាជាអ្នកឈានមុខវិញម្តង។ ក្នុងរយៈពេលពីរបីឆ្នាំកន្លងទៅនេះ នាយករដ្ឋមន្ត្រី លោក Narendra Modi បានបង្ហាញការព្រួយបារម្ភ​ការកើនឡើងដ៏គំហុកនៃចំនួនប្រជាជន កោតសរសើរខ្លាំងដល់គ្រួសារទាំឡាយដែលពិចារណា​យ៉ាងយកចិត្តទុកដាក់ពីផលប៉ះពាល់នៃការមានកូនបន្ថែមទៀតសម្រាប់ខ្លួនឯងនិងប្រទេសជាតិ។ 

ក្នុងប្រទេសឥណ្ឌាសតវត្សរ៍ទី២១នេះ សមត្ថភាពក្នុងការបំពេញក្តីស្រម៉ៃ ចាប់ផ្តើមជាមួយមនុស្សម្នាក់ ចាប់ផ្តើមជាមួយគ្រួសារមួយ។ ប្រសិនបើចំនួនប្រជាជនមិនទទួលបានការសិក្សាអប់រំ មិនមានសុខភាពល្អ នោះទាំងគ្រួសារនិងប្រទេសជាតិ មិនអាចសប្បាយចិត្តនោះទេ។ ដូច្នេះតើចំនួនប្រជាជនប្រទេសឥណ្ឌាកើនឡើងច្រើនដោយរបៀបណា ហើយតើវានឹងមានរយៈពេលយូប៉ុណ្ណា? ប្រព័ន្ធផ្សព្វផ្សាយ CNN បានវិភាគពីទិន្នន័យទស្សនវិស័យចំនួនប្រជាជនពិភពលោករបស់អង្គការសហប្រជាជាតិ និងបាននិយាយទៅកាន់អ្នកជំនាញដើម្បីស្វែងរកឬសគល់នៅក្រោយរឿងនេះ ក្នុងការលម្អិត ជុំវិញការផ្លាស់ប្តួរនៃប្រជាសាស្តរបស់ប្រទេសឥណ្ឌា។