កំណត់ហេតុតុលាការបង្ហាញថា បុរសនៅរដ្ឋតិចសាស់ម្នាក់ដែលត្រូវបានគេចោទប្រកាន់ថា បានបោកប្រាស់ប្រាក់ថ្លៃកន្លែងចតរថយន្តចំនួន៤០ដុល្លារ ខណៈកំពុងណាត់ជួប និងបាញ់សម្លាប់បុរសដែលមានតួនាទីជាអ្នកមើលការខុសត្រូវ ហើយបន្ទាប់មក បានដើរចេញ ដើម្បីបន្តគម្រោងអាហារពេលល្ងាចរបស់លោក។

យោងតាមកំណត់ហេតុរបស់តុលាការ លោក Erick Aguirre វ័យ ២៩ ឆ្នាំ បានឡើងតុលាការ កាលពីថ្ងៃព្រហស្បតិ៍ សម្រាប់បទចោទប្រកាន់ករណីឃាតកម្មធ្ងន់ធ្ងរ លើបុរសវ័យ៤៦ ឆ្នាំ លោក Elliot Nix នៅវិថី Houstonជាទីដែលអ្នកឃើញហេតុការណ៍បាញ់ប្រហារនោះ ។

យោងតាម សេចក្ដីថ្លែងការណ៍អំពីការសរុប​ភស្តុតាង​ការស៊ើបអង្កេតមូលហេតុរបស់សង្កាត់ Harris កាលពីល្ងាចថ្ងៃទី១១ខែមេសា លោក Aguirre បានបង់ប្រាក់ឲ្យទៅលោក Nix ចំនួន៤០ដុល្លារ បន្ទាប់ពីជនរងគ្រោះបានអះអាងថា ខ្លួនជាអ្នកមើលការខុសត្រូវចំណតរថយន្ត​ និងបាននិយាយថា លោក Aquirre នឹងបង់ថ្លៃចតរថយន្តអស់២០ដុល្លារ ​និងរថយន្តអ្នកណាត់ជួបរបស់លោក។

ប្រភពខាងលើ និយាយថា មុនពេលដៃគូណាត់ជួបទាំង២ ដើរចូលទៅក្នុងភោជនីយដ្ឋានមួយ មានបុគ្គលិកភោជនីយដ្ឋានម្នាក់បានបញ្ជាក់ប្រាប់ពួកគេថា ពួកគេ ​ត្រូវបានលួចបន្លំប្រាក់។

សាក្សីម្នាក់ដែលបានឃើញការទាស់សម្ដីគ្នាពេលដំបូងរបស់លោក Aguirre ជាមួយលោក Nix បានប្រាប់នគរបាលថា ​បន្ទាប់មករូបគេបានឃើញចុងចោទរត់ទៅកាន់រថយន្តរបស់គេ ចាប់យកកាំភ្លើងមួយ និងរត់ដេញតាមលោក Nix ដែលបានព្យាយាមរត់គេខ្លួន បើយោងតាមឯកសាររបស់តុលាការ៕