អ្នកនាំពាក្យក្រសួងការបរទេសចិន បាននិយាយកាលពីថ្ងៃសុក្រថា សហរដ្ឋអាមេរិកលើសគេផង បើ និយាយពីការលួចទិនន្ន័យតាមបញ្ចេកវិទ្យា។

អ្នកនាំពាក្យលោកស្រី Mao Ning បានគូសបញ្ជាក់បែបនេះ នៅក្នុងសន្និសីទសារព័ត៌មានប្រចាំថ្ងៃមួយ ដើម្បីឆ្លើយតបទៅនឹងសំណួរអំពីការលើកឡើងរបស់ប្រធានការិយាល័យ​ស៊ើបអង្កេត​សហព័ន្ធរបស់សហរដ្ឋអាមេរិក ស្តីពីប្រទេសចិននាពេលថ្មីៗនេះ។

លោកស្រី Mao បាននិយាយថា ​បើនិយាយពីការលួចទិន្នន័យតាមបច្ចេកវិទ្យា គ្មាននរណាអាច​លើស​សហរដ្ឋអាមេរិកឡើយ។

យោងតាមរបាយការណ៍របស់ប្រព័ន្ធផ្សព្វផ្សាយអាល្លឺម៉ង់ ទីភ្នាក់ងារស៊ើបការណ៍សម្ងាត់អាមេរិក​បានលួចស្តាប់កិច្ចសន្ទនាការងាររវាងក្រសួងការពារជាតិចិន ​និងអាល្លឺម៉ង់ ដែលបានធ្វើឡើង​នៅទីក្រុងប៊ែរឡាំងកាលពីខែកុម្ភៈឆ្នាំនេះ។ លោកស្រីបានថ្លែងថា ប៉ុន្តែជាការពិត នេះមិនមែន​ជាអ្វីថ្មីនោះទេ។

លោកស្រី Mao បាននិយាយថា សហរដ្ឋអាមេរិក​បានប្រើប្រាស់អត្ថប្រយោជន៍បច្ចេកវិទ្យា​របស់ខ្លួន​ជាយូរមកហើយ ដើម្បីឃ្លាំមើលទ្រង់ទ្រាយធំ ​និងការលួចព័ត៌មានសម្ងាត់ និងការលួចព័ត៌មាន​តាមបច្ចេកវិទ្យាប្រឆាំង នឹងសម្ព័ន្ធមិត្តរបស់ខ្លួន​ និងពិភពលោកទាំងមូល ដែលជាការសម្ងាត់បើក​ចំហជាយូរមកហើយ ​ដោយបន្ថែមថា ​សហរដ្ឋអាមេរិកគួរតែឆ្លុះកញ្ចក់​មើលមុខខ្លួនឯងឲ្យមែនទែន មុនពេលចង្អុលដាក់ប្រទេសផ្សេងៗ៕