ប្រភពមួយចំនួន ដែលបានដឹងបញ្ហានេះ បាននិយាយថា ធនាគារផ្ដល់សេវាហិរញ្ញវត្ថុPNC Financial Services Group និងក្រុមហ៊ុនផ្ដល់សេវាផ្នែកហិរញ្ញវត្ថុ JPMorgan Chase & Co ស្ថិតក្នុងចំណោមធនាគារ​ជាច្រើន ដែលគ្រោងដេញថ្លៃចុងក្រោយយកធនាគារ First Republic Bank កាលពីរសៀលថ្ងៃអាទិត្យ ក្នុងការដេញថ្លៃមួយ ដែលត្រូវបានធ្វើឡើងដោយក្រុមនិយតករសហរដ្ឋអាមេរិក ។

យោងតាមប្រភពមួយក្នុងចំណោមប្រភពជាច្រើនដែលបានដឹងបញ្ហានេះ ធនាគារ Citizens Financial Group Inc គឺជាអ្នកដេញថ្លៃមួយទៀតក្នុងដំណាក់កាលចុងក្រោយនៃដំណើរការនេះ។

ប្រភពចំនួន៣ដែលធ្លាប់បានប្រាប់រឿងនេះទៅសារព័ត៌មាន Reuters គេរំពឹងថា សាជីវកម្មធានារ៉ាប់រ៉ងប្រាក់បញ្ញើសហព័ន្ធ Federal Deposit Insurance Corp បានគ្រោងប្រកាសកិច្ច​ព្រមព្រៀង​កាលពីយប់ថ្ងៃអាទិត្យ មុនពេលផ្សារភាគហ៊ុនអាស៊ីបើក ដោយនិយតករម្នាក់ទំនងជានឹងលើកឡើងក្នុងពេលដំណាលគ្នា ដែលខ្លួនបានរឹបអូសយកធនាគារផ្ដល់ប្រាក់កម្ចីមួយនេះ ។

ប្រភពមួយចំនួន បាននិយាយកាលពីថ្ងៃសៅរ៍ថា ក្រុមនិយករសហរដ្ឋអាមេរិក បានកំពុងព្យាយាម​ដេញថ្លៃទិញយកធនាគារ First Republic កាលពីចុងសប្ដាហ៍ ដោយមានធនាគារចំនួន៦ កំពុង​ចូលរួម​ដេញថ្លៃ នូវអ្វីដែលទំនងជាធនាគារសំខាន់ទី៣ ដែលនឹងត្រូវដួលរលំក្នុងរយៈពេល២ខែ ។ប្រភពចំនួន២ដែលបានដឹងបញ្ហានេះ បាននិយាយកាលពីថ្ងៃសៅរ៍ថា ធនាគារវិនិយោគ Guggenheim Securities កំពុងណែនាំដល់សាជីវកម្មធានារ៉ាប់រ៉ងប្រាក់បញ្ញើសហព័ន្ធ ។

យោងតាមប្រភព​មួយចំនួនដែលបានដឹងបញ្ហានេះ កាលពីថ្ងៃសៅរ៍ ធនាគារ Citizens Financial Group Inc គឺជាអ្នកដេញថ្លៃមួយផ្សេងទៀតដែលកំពុងចូលរួមដេញថ្លៃយកធនាគារមួយនេះ ៕