ខណៈដែលអត្រាគ្មានការងារធ្វើ ក្នុងចំណោមយុវជនរបស់ប្រទេសចិនកើនឡើង ខេត្តដែលមានជាងគេបំផុតរបស់ប្រទេសនេះ បានផ្តល់ដំណោះស្រាយដ៏ចម្រូងចម្រាសដោយបញ្ជូនយុវជនដែលគ្មានការងារធ្វើចំនួន ៣០០.០០០នាក់ ទៅជនបទ រយៈពេល ២ទៅ៣ឆ្នាំ ដើម្បីស្វែងរកការងារធ្វើ។

រោងចក្រផលិតថាមពលក្វាងទុង ដែលជាកម្លាំងដ៏ធំលើទីក្រុងហុងកុង បាននិយាយកាលពីខែមុនថា ខ្លួននឹងជួយដល់និស្សិតបញ្ចប់ការសិក្សានៅមហាវិទ្យាល័យ និងសហគ្រិនវ័យក្មេងក្នុងការស្វែង រក​ការងារនៅក្នុងបណ្ដាភូមិ ហើយក៏បានលើកទឹកចិត្តដល់យុវជនមកពីតំបន់ដាច់ស្រយាល​ឱ្យត្រឡប់ទៅជនបទវិញ ដើម្បីស្វែងរកការងារធ្វើនៅទីនោះ។

សេចក្តីប្រកាសនេះ មានឡើងបន្ទាប់ពីការអំពាវនាវរបស់ប្រធានាធិបតីលោក ស៊ី ជីនពីង កាលពីខែធ្នូឆ្នាំមុន ដែលស្នើឲ្យយុវជនរស់នៅទីក្រុង ក្នុងការស្វែងរកការងារធ្វើនៅតំបន់​ជនបទ​ក្នុងកិច្ចខិតខំប្រឹងប្រែងដើម្បី "ធ្វើឱ្យសេដ្ឋកិច្ចជនបទមានភាពរស់រវើកឡើងវិញ" ស្របទៅ​នឹងយុទ្ធនាការ​កាល​ពីមុនដែលបានចាប់ផ្តើមកាលពីប៉ុន្មាន​ទសវត្សរ៍កន្លងទៅ​ដោយអតីត​មេដឹកនាំចិន ម៉ៅ សេទុង ដោយកាលនោះយុវជនរស់នៅទីក្រុងរាប់សិបលាននាក់ ត្រូវបាន​និរទេសទៅកាន់តំបន់ដាច់ស្រយាល​នានារបស់ប្រទេសចិន។

ផែនការរបស់ក្វាងតុង​ ត្រូវបានផ្សព្វផ្សាយយ៉ាងទូលំទូលាយនៅលើប្រព័ន្ធ​ផ្សព្វផ្សាយ​សង្គម ស្រប​ពេលជាមួយនឹងអត្រាកំណើននៃភាពអត់ការងារធ្វើនៅទីក្រុងក្នុងចំណោមមនុស្សមានអាយុពី ១៦ ទៅ ២៤ ឆ្នាំ ដោយបានកើនឡើងដល់ ១៩,៦% ដែលជាកម្រិតខ្ពស់បំផុតទីពីរនៅក្នុងកំណត់ត្រា។