ពិធីបុណ្យ Thrissur Pooram(ទ្រីសួពូរ៉ាម) ជាពិធីបុណ្យហិណ្ឌូប្រចាំឆ្នាំដ៏ពេញនិយមសម្រាប់ក្បួនដង្ហែដំរី បានបញ្ចប់កាលពីយប់ថ្ងៃអាទិត្យ (៣០ មេសា) ខណៈដែលអ្នកគោរពបូជារាប់ម៉ឺននាក់ បានចូលរួមយ៉ាងរីករាយក្នុងពិធីបុណ្យនេះ។

ក្រុមអាចារ្យសាសនាហិណ្ឌូ ត្រូវបានគេឃើញកំពុងរៀបចំពិធីកម្មផ្សេងៗនៅពេលកំពុងជិះលើដំរី ដែលត្រូវបានគេតុបតែងលម្អដោយមាស។

ហ្វូងដំរីដង្ហែនៅមុខប្រាសាទ Vadakkunnathan(វ៉ាដាក់គុនណាក់ថាន់) ត្រូវបានគេឃើញមានដាក់រូបតំណាងទេវៈ និងទេពធីតាផ្សេងក្នុងសាសនាហិណ្ឌូ នៅលើក្បាលរបស់ពួកវា។

បុណ្យ Thrissur Pooram ត្រូវបានប្រារព្ធនៅថ្ងៃព្រះច័ន្ទរះស្របជាមួយនឹងផ្កាយ 'Pooram' នៅក្នុងខែប្រតិទិន Malayalam (ម៉ាឡាយ៉ាឡាំ) នៃស្រុក 'Medam' ហើយជាទូទៅត្រូវបានប្រារព្ធនៅចន្លោះខែមេសា និងឧសភា។ អ្នកស្រុកមានការពេញនិយមចំពោះដង្ហែក្បួនដង្ហែដំរី ដែលមានការតុបតែលម្អសត្វដីរីមានភ្លុកតាមប្រពៃណី ដើម្បីតម្រូវតាមចិត្តរបស់ក្រុមអ្នកគោរពបូជា។

ព្រះមហាក្សត្រ Sakthan Thampuran នៃព្រះរាជាណាចក្រ Kochi សតវត្សទី១៨ ត្រូវបានគេជឿថាបានចាប់ផ្តើមពិធីបុណ្យនេះ ដោយបង្កើន សាសនា វណ្ណៈ និងវង្សតំណសហគមន៍។