​ម៉ានីល​៖ ការ​ដាច់​ចរន្តអគ្គិសនី​ដែល​មិនអាច​ពន្យល់បាន​នៅ​ថ្ងៃ​ចន្ទ (១ ឧសភា​)​នេះ នៅ​ស្ថានីយ​ទី ៣ នៃ​អាកាសយានដ្ឋាន​ក្នុង​ទីក្រុង​ម៉ានីល បានធ្វើឱ្យ​ជើងហោះហើរ​ក្នុងស្រុក​ប្រហែល ៤០ ជើង​របស់​ក្រុម​អាកាសចរណ៍​Cebu Pacific ត្រូវបាន​លុបចោល​។​

​អាកាសយានដ្ឋាន​អន្តរជាតិ Ninoy Aquino បាន​និយាយ​នៅក្នុង​សេចក្តីថ្លែងការណ៍​មួយ​នៅលើ​បណ្ដាញ​សង្គម​ហ្វេ​ស​ប៊ុ​កដោយ​មិន​បង្ហាញ​ពី​មូលហេតុ​នៃ​ការ​ដាច់​ចរន្តអគ្គិសនី​ថា "​ការពន្យារពេល​ជើងហោះហើរ ត្រូវ​រំពឹងទុក​ដោយសារតែ​ការ​ដាច់​ចរន្តអគ្គិសនី​" ។​

​ប្រតិបត្តិ​ករ​អាកាសយានដ្ឋាន និង​អ្នកផ្គត់ផ្គង់​ក្រុមហ៊ុន​អគ្គិសនី Manila Electric Company កំពុង​ស្វែងរក​មូលហេតុ​នៃ​ការ​ដាច់​ចរន្តអគ្គិសនី ដែល​កើតឡើង​ក្នុង​រដូវ​កាល​ធ្វើដំណើរ​ដ៏​ខ្ពស់បំផុត ដោយមាន​ប្រជាជន​ហ្វីលីពីន​ជាច្រើន​នាក់ ហៀបនឹង​ត្រឡប់​ទៅ​លំនៅឋាន​វិញ​បន្ទាប់ពី​ដំណើរ​កម្សាន្ត​រយៈពេល​បី​ថ្ងៃ​នៅ​ចុង​សប្តាហ៍​។​

​ការិយាល័យ​របស់លោក​ប្រធាន​ប្រធានាធិបតី Ferdinand Marcos Jr បាន​និយាយថា លោក​បាន​បញ្ជា​ឱ្យ​មន្ត្រី​ក្រសួង​ដឹកជញ្ជូន លោក​Jaime Bautista ស្តារ​ប្រតិបត្តិការ​ថាមពល​ត្រឡប់​ទៅរក​សភាព​ធម្មតា​វិញ នៅឯ​ស្ថានីយ​ទី​៣ របស់​ព្រលានយន្តហោះ​ឱ្យបាន​ឆាប់​តាម​ដែល​អាចធ្វើ​ទៅបាន ខណៈពេល​ផ្តល់ជំនួយ​ដល់​ក្រុម​អ្នកដំណើរ​ដែល​រង​ផលប៉ះពាល់​៕