អ្នកគោរពប្រតិបត្តិសាសនាហិណ្ឌូ បានមកជួបជុំគ្នានៅមាត់ទន្លេគង្គារដ៏ពិសិដ្ឋ នៅទីក្រុង Varanasi ភាគខាងជើងនៅថ្ងៃចន្ទនេះ ដើម្បីងូតទឹក និងប្រារព្ធពិធីបុណ្យ«ពូសការ៉ាម»(Pushkaram) ដែលឧទ្ទិសដល់ទន្លេដ៏សក្តិសិទ្ធ។ ក្រុមអ្នកគោរពបូជា និងបព្វជិត បានរៀបចំពិធីសាសនា ដើម្បីគោរពបូជាដល់ទឹកទន្ល ដែលជាអត្ថន័យដ៏សំខាន់នៃជីវិតរបស់ប្រជាជន ក្នុងប្រទេសឥណ្ឌា។
យើងបានឈានចូលដល់សញ្ញារាសីចក្រ មេសរាសីតាមប្រតិទិនសាសនាហិណ្ឌូនៅថ្ងៃទី២២ ខែ មេសា ហើយបន្ទាប់មកមានពិធីបុណ្យប៊ូសការទន្លេគង្គាចាប់ផ្តើមឡើង។ បព្វជិតម្នាក់ដែលកំពុងអធិប្បាយអំពីជំនឿសាសនា មកពីទីក្រុង Hyderabad ភាគខាងត្បូង បាននិយាយថា ខណៈពិធីបុណ្យចាប់ផ្តើម យើងទាំងអស់គ្នាបានមកទីនេះ ហើយវាត្រូវបានគេនិយាយថាទេវៈទាំង៣០លានអង្គ មកទីនេះអំឡុងពេលនេះ។ ពិធីបុណ្យត្រូវបានប្រារព្ធឡើងតាមសញ្ញារាសីចក្រ នៃទន្លេធំៗទាំង១២ នៅក្នុងប្រទេស ហើយត្រូវបានគេប្រារព្ធឡើងរៀងរាល់១២ឆ្នាំម្តង។
ទន្លេគង្គា មានប្រភពមកពីភ្នំហែមពាន្តភាគខាងលិច ហើយហូរចាក់ទៅភាគខាងត្បូង និងភាគខាងកើត ឆ្លងកាត់ ប្រទេសឥណ្ឌាភាគខាងជើង ហើយក្រោយមកចូលទៅកាន់ ប្រទេសបង់ក្លាដេស។ វាជាទន្លេដ៏សក្តិសិទ្ធបំផុតរបស់សាសនាហិណ្ឌូ និងអ្នកមានជំនឿស៊ប់ ដែលការងូតទឹកក្នុងទន្លេនេះ អាចលាងបាបរបស់មនុស្សទាំងនោះបាន។
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
