រដ្ឋមន្ត្រីការបរទេសបារាំងលោកស្រី Catherine Colonna បានសម្តែងការគាំទ្រចំពោះសេចក្តីប្រាថ្នារបស់ហ្ស៊កហ្ស៊ីសម្រាប់សមាជិកភាពសហភាពអឺរ៉ុបក្នុងអំឡុងពេលដំណើរទស្សនកិច្ចរបស់លោកស្រីទៅកាន់ទីក្រុង Tbilisi កាលពីថ្ងៃសុក្រ (២៨ មេសា)។
រដ្ឋមន្ត្រីការបរទេសបារាំង បានកត់សម្គាល់ថា ប្រទេសនេះ ចាំបាច់ត្រូវបន្តកែលម្អប្រព័ន្ធច្បាប់ និងកំណែទម្រង់ពេញលេញដែលនឹងធានានូវសេរីភាព និងការការពារស្ថាប័នសាធារណៈ។ លោកស្រីបន្តថា ហ្ស៊កហ្ស៊ី ត្រូវគោរពតាមគុណតម្លៃអឺរ៉ុប ដើម្បីទទួលបានឋានៈជាបេក្ខជន។
លោកស្រី Colonna ក៏បានអំពាវនាវឲ្យហ្ស៊កហ្ស៊ី បន្តកិច្ចខិតខំប្រឹងប្រែងរបស់ខ្លួនដើម្បីបង្កើតសន្តិភាពនៅតំបន់ Nagorno-Karabakh ដែលជាតំបន់ភ្នំត្រូវបានទទួលស្គាល់ជាអន្តរជាតិថាជាផ្នែកមួយនៃប្រទេសអាហ្ស៊ែបៃហ្សង់ ប៉ុន្តែមានប្រជាជនជនជាតិភាគិចអាម៉េនីប្រហែល ១២០.០០០នាក់។
លោកស្រី Colonna បានទៅបំពេញទស្សនកិច្ចនៅអាហ្ស៊ែបៃហ្សង់ និងអាម៉េនី ក្នុងរយៈពេលពីរថ្ងៃកន្លងមកនេះ ដោយជំរុញឱ្យភាគីទាំងពីរអនុវត្តវិធានការកសាងទំនុកចិត្ត និងបន្តការពិភាក្សារកដំណោះស្រាយ។
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
