សមាជិកព្រឹទ្ធសភាជាន់ខ្ពស់មកពីគណបក្សសាធារណរដ្ឋនៅសហរដ្ឋអាមេរិកកាលពីថ្ងៃអង្គារ៍ បានអំពាវនាវឲ្យលោកប្រធានាធិបតី Joe Biden ទទួលយកការកំណត់បំណុលអតិបរមា​ពី​គណបក្សរបស់ពួកគេ ឬឆ្លើយតបទៅនឹងសំណើរមួយ ខណៈសមាជិកជាន់ខ្ពស់មួយរូប​មក​ពីគណបក្សប្រជាធិបតេយ្យ និយាយថា ព្រឹទ្ធសភា ត្រូវព្យាយាមពន្លឿន​ការបង្កើនកម្រិតបំណុលនេះ នៅសប្ដាហ៍ក្រោយ។

ខណៈដែលសល់រយៈពេលមួយខែមុនពេលអាចខកខានការសងបំណុលរបស់សហរដ្ឋអាមេរិក មេដឹកនាំគណបក្សទាំង២ បានប្រឈមដាក់គ្នា​លើការជាប់គាំង​ជុំវិញការកម្រិត​បំណុល ៣១,៤សែនកោដិដុល្លារ ។

គណបក្សសាធារណរដ្ឋនៅក្នុងព្រឹទ្ធសភា បាននិយាយថា គណបក្សប្រជាធិបតេយ្យ ត្រូវតែ​អនុវត្តន៍ឲ្យបានហ្មត់ចត់​តាមច្បាប់របស់ប្រធានសភា​ លោក Kevin McCarthy ដែល បានអនុម័ត​ដោយសភា ស្របទៅតាមគោលការណ៍រួមរបស់គណបក្សកាលពីសប្ដាហ៍មុន ។

លោក Mitch McConnell ​មេដឹកនាំក្រុមសាធារណរដ្ឋនៅព្រឹទ្ធសភា ​បានប្រាប់ក្រុម​អ្នកសារ​ព័ត៌មានថា​ អ្នកមានជម្រើរើសរវាងសេចក្តីស្នើច្បាប់របស់សភា ឬ ការចូលពិភាក្សា។

សមាជិកព្រឹទ្ធសភា លោក John Thune អនុប្រធានជាន់ខ្ពស់របស់លោក McConnell បានប្រាប់​ក្រុមអ្នកសារព័ត៌មានថា ​មានការគាំទ្ររឹងមាំងពីសភា ។

លោកថា អ្នកគ្រប់គ្នាសុទ្ធតែចង់ឃើញយើងទទួលបានជោគជ័យ ​ដែលមានន័យថា ការ​អនុវត្តន៍ច្បាប់ ​និងកំណែទម្រង់ប្រកបដោយផ្លែផ្កា ​គឺជាផ្នែកមួយនៃដំណើរការនេះ។ ប្រធានព្រឹទ្ធសភាមកពីគណបក្សប្រជាធិតេយ្យ លោក Chuck Schumer បានដឹកនាំ​ ព្រឹទ្ធសភា ដោយ​សំឡេងភាគច្រើនគឺ ៥១ ទល់នឹង៤៩ ប៉ុន្តែ នឹងត្រូវការការគាំទ្រយ៉ាងហោចណាស់៩សំឡេង​ពី​គណបក្សសាធារណរដ្ឋ ដើម្បី​អនុម័ត​សេចក្តីស្នើច្បាប់ ដកការកម្រិតបំណុលអតិបរមានេះ ដោយគ្មានលក្ខខណ្ឌ៕