យោងតាមលទ្ធផលនៃការស្ទង់មតិសកលរបស់ប្រព័ន្ធផ្សព្វផ្សាយ CGTN កាលពីថ្ងៃអង្គារ បានឲ្យដឹងថា ជិត៩០ភាគរយ នៃអ្នកឆ្លើយតប បាននិយាយថា ពួកគេប្រឆាំងការប្រកាសកាលពីពេលថ្មីៗនេះ របស់សហរដ្ឋអាមេរិក និងប្រទេសកូរ៉េខាងត្បូង ក្នុងការបង្កើនកម្រិតសមត្ថភាពឆ័ត្រដោយនុយក្លេអ៊ែរ ដើម្បីការពារប្រទេសនៅអាស៊ីមួយនេះ។

នៅក្នុងអ្វីដែលគេហៅថា សេចក្តីប្រកាសរបស់ទីក្រុងវ៉ាស៊ីនតោន ដែលបានផ្សព្វផ្សាយកាលពីថ្ងៃទី២៦ ខែមេសា សហរដ្ឋអាមេរិក និយាយថា ខ្លួននឹងជំរុញនូវអ្វីដែលខ្លួនហៅថា សន្ធិសញ្ញាការពារប្រទេសកូរ៉េខាងត្បូង តាមរយៈការដាក់ពង្រាយចល័ត នាវាមុជទឹកនុយក្លេអ៊ែរយុទ្ធសាស្ត្រ នៅក្នុងដែនទឹកជិតឧបទ្វីបកូរ៉េ និងជាមួយការបង្កើត ក្រុមពិគ្រោះយោបល់នុយក្លេអ៊ែរអាមេរិក-កូរ៉េខាងត្បូង។ 

ដើម្បីវាស់ស្ទង់ការឆ្លើយតបរបស់សហគមន៍អន្តរជាតិ ប្រព័ន្ធផ្សព្វផ្សាយ CGTN កាលពីថ្ងៃចន្ទបានចាប់ផ្តើមការស្ទង់មតិជាភាសាអង់គ្លេស អេស្ប៉ាញ បារាំង អារ៉ាប់ និងវេទិការុស្ស៊ី ដែលទទួលបានសំឡេងឆ្នោតពីអ្នកឆ្លើយតប ៤៦,០៤៨សំឡេងក្នុងរយៈពេល ២៤ម៉ោង។

ចំនួនអ្នកឆ្លើយតបសរុបគឺ៨៧,៩៧ ភគរយ បាននិយាយថា ពួកគេប្រឆាំងផែនការនុយក្លេអ៊ែររបស់អាមេរិក-កូរ៉េខាងត្បូង ខណៈ៨២,០៥ ភាគរយ និយាយថាពួកគេមិនគិតថា កូរ៉េខាងត្បូងនឹងមានសុវត្ថិភាពជាងនេះនោះទេ ទោះបីជាសហរដ្ឋអាមេរិក បានអះអាងថាខ្លួនត្រូវពង្រឹងការការពាររបស់ខ្លួន លើប្រទេសនេះក៏ដោយ។

ផ្ទុយទៅវិញ ៨៧,០៧ភាគរយ នៃអ្នកឆ្លើយតប បាននិយាយថា ពួកគេជឿងថាការពន្លឿនរបស់ប្រទេសកូរ៉េខាងត្បូង ដើម្បងាកទៅរកសហរដ្ឋអាមេរិក លើបញ្ហានុយក្លេអ៊ែរ នឹងនាំទៅរកការបាត់បងស្វ័យភាពផ្នែកការទូតរបស់ខ្លួន និងប្រែក្លាយប្រទេសនេះជាបណ្តើរៗទៅជាឃ្លាំងអាវុធនុយក្លេអ៊ែររបស់សហរដ្ឋអាមេរិក។