ក្រុមមន្ត្រីនិយាយថា បុរសម្នាក់ដែលរងការចោទប្រកាន់បាញ់សម្លាប់មនុស្ស ៥នាក់ រួមទាំងម្ដាយម្នាក់ និងកូនប្រុសអាយុ៩ឆ្នាំរបស់ខ្លួន នៅផ្ទះជិតខាងរបស់ខ្លួន ក្នុងរដ្ឋ Texas សហរដ្ឋអាមេរិក ត្រូវបានចាប់ខ្លួនកាលពីល្ងាចថ្ងៃអង្គារ បន្ទាប់ពីតាមចាប់ខ្លួនជាច្រើនថ្ងៃ។

ស្នងការនគរបាលតំបន់ San Jacinto បាននិយាយថា ជនសង្ស័យ ឈ្មោះ Francisco Oropesa ត្រូវបានរកឃើញនៅក្នុងផ្ទះមួយចម្ងាយប៉ុន្មានម៉ាលយ៍ ពីផ្ទះរបស់ខ្លួនក្នុងទីក្រុង Cleveland រដ្ឋ Texas សហរដ្ឋអាមេរិក ជាទីដែលការបាញ់សម្លាប់នោះ បានកើតឡើង។ 

លោក Greg Capers បានប្រាប់ក្រុមអ្នកសារព័ត៌មាន អំឡុងសន្និសីទសារព័ត៌មានពេលយប់ថា ជនសង្ស័យ Oropesa ត្រូវរកឃើញកំពុងលាក់ខ្លួននៅក្នុងទូដាក់សម្លៀកបំពាក់បោកអ៊ុត។

លោក ថា កងកម្លាំងរបស់លោកបានចាប់ខ្លួន តាមសម្រួល ជនល្មើសពុំមានរងរបួសទេ បច្ចុប្បន្នគេត្រូវបានឃុំខ្លួននៅស្នងការដ្ឋានរបស់លោកក្នុងទីក្រុង Coldspring។ លោកថា ជនសង្ស័យរូបនេះ នឹងត្រូវចោទប្រកាន់បទឧក្រិដ្ឋ៥ករណី ដោយម្រូវឲ្យបង់ប្រាក់៥លានដុល្លារអាមេរិក៕