ភ្នំពេញ៖សម្ដេចតេជោ ហ៊ុន សែន នាយកដ្ឋមន្រ្ដីនៃកម្ពុជា ប្រកាសស្វាគមន៍ សូមស្វាគមន៍ទទួលយក លោក អៀ ចាន់ណា​ ជាសមាជិកគណបក្សប្រជាជនកម្ពុជា ខណៈលោកអៀ ចាន់ណាបានចេញវីដេអូ និងលិខិតសុំ​មកចូល​រួមជីវភាពនយោបាយ ជាមួយគណបក្សប្រជាជនកម្ពុជា។

សម្ដេចតេជោមានប្រសន៍ថា គណបក្សប្រជាជនកម្ពុជាតែងតែបើកចិត្តទូលាយទទួលយក​មនុស្សពីគ្រប់ទិសទី​ដោយមិនប្រកាន់និន្នាការនយោបាយពីអតីតកាលក្នុងគោលបំណងប្រម៉ូលផ្តុំ​ធនធានមនុស្ស ធនធានប្រាជ្ញា​និងទ្រព្យសម្បត្តិដើម្បីការពារសន្តិភាព និងបន្តការ កសាងប្រទេសក្រោមម្លប់សន្តិភាពតទៅទៀត។

សម្ដេចបញ្ជាក់ថា៖«ក្នុងន័យនេះគណបក្សប្រជាជនកម្ពុជា សូមស្វាគមន៍ទទួលយកលោក អៀ ចាន់ណា ជា​សមាជិកគណបក្សប្រជាជនកម្ពុជាចាប់ពីពេលនេះតទៅទៀត»៕