​ប្រព័ន្ធ​ផ្សព្វផ្សាយ​របស់​ប្រទេស​នេះ CBS បាន​រាយការណ៍​កាលពី​ថ្ងៃ​ចន្ទ​ថា អង្គ​ការមិន​រកប្រាក់​ចំណេញ​របស់​អាមេរិក​មួយ​ឈ្មោះថា​ក្រុមការងារ​បរិស្ថាន (EWG) បាន​រកឃើញ​ត្រី​ទឹកសាប​ដែលមាន​មេរោគ​នៅ​ស្ទើរតែ​គ្រប់​រដ្ឋ​ទាំង​អស់នៃ​សហរដ្ឋអាមេរិក​តាមរ​យៈ​ការស្រាវជ្រាវ​ថ្មី​មួយ​។​

​ត្រី​ទាំងនេះ​ត្រូវបាន​បំពុល​ដោយសារ​ធាតុ per- និង​ប៉ូ​លី​ហ្វ​រ៉េ (PFAS) ដែលជា​សារធាតុ​គីមី​ពុល​ផលិត​ដោយ​មនុស្ស​មាន​រយៈពេល​យូរ​នៅក្នុង​បរិស្ថាន ហើយ​ត្រូវបាន​គេ​ហៅថា "​សារ​ធាតុគីមី​និរន្តរ៍​" ដែល​ត្រូវបាន​ផ្សារភ្ជាប់​ទៅនឹង​ជំងឺមហារីក និង​ជំងឺ​ដទៃទៀត នេះ​បើ​យោងតាម​ប្រព័ន្ធ​ផ្សព្វផ្សាយ CBS ។​

​សារធាតុ​គីមី​អាច​ជ្រាបចូល​តាម​ដី និង​បំពុល​ប្រភពទឹក​ផឹក ហើយ​មិន​បំបែក​នៅក្នុង​បរិស្ថាន​។ សារធាតុ​គីមី​ទាំងនោះ​អាច​ប្រមូលផ្ដុំ​នៅតាម​ទន្លេ បឹង និង​ក្នុង​សារពាង្គកាយ​សត្វ​ជាច្រើន​ប្រភេទ​ទៀត​។​

​ប្រព័ន្ធ​ផ្សព្វផ្សាយ CBS បាន​និយាយថា រដ្ឋាភិបាល​សហព័ន្ធរ​បស់​ប្រទេស​នេះ កំពុង​ស្នើសុំ "​និយ័តកម្ម​ដ៏​តឹងរឹង​" កំណត់​សារធាតុ​គីមី PFAS ក្នុង​ទឹក​ផឹក​ដោយ​ស្នើ​ឱ្យទាប​ជាង ៩០ ភាគរយ​នៃ​សំណើរ​ពីមុន ហើយ​បន្ថែមថា​រដ្ឋ​បាន​បង្កើត​ច្បាប់​ផ្ទាល់ខ្លួន​សម្រាប់​ពេល​បច្ចុប្បន្ននេះ​៕​