ក្រុមអាជ្ញាធរបាននិយាយថា នគរបាលបានចាប់ខ្លួនបុរសម្នាក់សង្ស័យសម្លាប់ស្ត្រីម្នាក់ និងបណ្ដាលឲ្យមនុស្ស៤នាក់ផ្សេងទៀតរងរបួស ក្នុងហេតុការណ៍បាញ់ប្រហារមួយកាលពីថ្ងៃពុធ នៅមណ្ឌលវេជ្ជសាស្ត្រមួយកន្លែងក្នុងទីក្រុងអាត្លង់តា រដ្ឋចចា សហរដ្ឋអាមេរិក ក្រោយមកបានលួចរថយន្តព្យាយាមបើករត់គេចខ្លួនចេញពីកន្លែងកើតហើយ ។

ខ្មាន់កាំភ្លើងដែលរងការចោទប្រកាន់ត្រូវបានកំណត់អត្តសញ្ញាណ វ័យ២៤ឆ្នាំ ឈ្មោះ Deion Pattersonជាអតីតឆ្មាំសមុទ្ររបស់សហរដ្ឋអាមេរិកដែលនគរបាលក្រុងអាត្លង់តា បានហៅថាជាអាវុធនិងគ្រោះថ្នាក់។

ក្រុមអាជ្ញាធរបាននិយាយថា ជនល្មើសត្រូវបាននាំទៅឃុំខ្លួនក្នុងស្រុក Cobb ជាយក្រុងភាគខាងជើង ប៉ុន្មានម៉ោង បន្ទាប់ពីម៉ោង១២ រសៀលម៉ោងក្នុងស្រុក ។ ការបាញ់ប្រហារនេះ បានកើតឡើង​នៅ​មន្ទីរពេទ្យ Northside Medical។ នគរបាលស្រុក Cobb ​បានប្រកាសពីការចាប់ខ្លួនតាមបណ្ដាញ Twitter ។

ស្នងការនគរបាលក្រុងអាត្លង់តា លោក Darin Schierbaum បានប្រាប់សន្និសីទសារព័ត៌មានថា វាហាក់ដូចជាឆាប់រហ័សពេកក្នុងការស៊ើបអង្កេតដើម្បីកំណត់បានថាតើគេបានដាក់គោលដៅ​លើជនរងគ្រោះទាំងនោះ ឬអត់ ឬថាតើ ​ពួកគេគឺជាអ្នកជំងឺ ឬ បុគ្គលិក ។

ស្នងការនគរបាលខាងលើ និយាយថា ខ្មាន់កាំភ្លើងរូបនេះ បានទៅដល់មជ្ឈមណ្ឌល​វេជ្ជសាស្ត្រ​នេះជាមួយម្ដាយរបស់គេ ប៉ុន្តែស្ត្រីជាម្ដាយពុំរងរបួសទេ ។ នគរបាល បាននិយាយថា អ្នកស្រីកំពុងសហការជាមួយក្រុមអ្នកស៊ើបអង្កេត៕