សហរដ្ឋអាមេរិកកំពុងប្រឈមមុខការកើនឡើងវិបត្តិ ខណៈការណីស្លាប់ទាក់ទងទៅនឹងការប្រើឱសថ បន្តកើនឡើង ដោយអ្នកស្លាប់ទាក់ទងទៅនឹងការប្រើឱសថលើសកម្រិត កំពុងកើនឡើង ២៧៩ភាគរយ ក្នុងរយៈពេល៥ឆ្នាំ ចន្លោះឆ្នាំ២០១៦ និងឆ្នាំ២០២១។

យោងតាមមជ្ឈមណ្ឌលជាតិ សម្រាប់ស្ថិតិសុខភាព (NCHS) បានឲ្យដឹងថា បុគ្គលជាង១០៦.០០០នាក់ នៅក្នុងសហរដ្ឋអាមេរិក បានបាត់បង់ជីវិតដោយការប្រើលើសកម្រិតទាក់ទងទៅនឹងឱសថ ក្នុងឆ្នំា២០២១ ជាឆ្នំាចុងក្រោយបំផុត ជាកន្លែងដែលទិន្នន័យត្រូវបានប្រមូល។

អ្នកស្លាប់ទាំងនេះរួមមានទាំងអ្នកដែលពាក់ព័ន្ធទៅនឹងការប្រើឱសថខុសច្បាប់ និងកម្រិតសារធាតុអាភៀនប្រើសម្រាប់ការព្យាបាលបំបាត់ការឈឺចាប់តាមវេជ្ជបញ្ជា។

តួលេខពីមជ្ឈមណ្ឌលគ្រប់គ្រងនិងបង្ការជំងឺ បានបង្ហាញថាការស្លាប់ដោយការប្រើប្រាស់លើសកម្រិត ឱសថបានកើនឡើងខ្លាំងចាប់តាំងពីឆ្នាំ១៩៩៩ ដោយការប្រើប្រាស់សារធាតុអាភៀន សំយោគលើសកម្រិតជាចម្បងដូចជា កូកាអ៊ីន និងម៉េតាំហ្វេតាមីន ដែលកំពុងដើរតួយ៉ាងសំខាន់ ក្នុងការកើនឡើងករណីស្លាប់។

ក្នុងបណ្តាឆ្នាំថ្មីៗនេះ ករណីស្លាប់បណ្តាលមកពីការប្រើប្រាស់កម្រិតឱសថលើសដូសកំណត់ ពាក់ព័ន្ធ​ទៅនឹងសារធាតុអាភៀនសំយោគ បានកើនឡើងខ្លាំង។ ក្នុងឆ្នាំ២០២១តែមួយ មានករណីស្លាប់ដោយការការប្រើប្រាស់ឱសថលើសកំណត់ ត្រូវបានរាយការណ៍មានចំនួន ៧០.៦០១ នាក់ ទាក់ទងទៅនឹងអាភៀនសំយោគ ជាចំនួនមួយកើនឡើងពីបណ្តាឆ្នាំមុនៗ។

ជាងនេះទៅទៀត ការស្លាប់ដោយការប្រាស់ប្រាស់ ឱសថលើសកម្រិតមួយចំនួន ពាក់ព័ន្ធទៅ​នឹងថ្នាំផ្តល់​កម្លាំង​ ដូចជាកូកាអ៊ីន ​ ឬថ្នាំបំបាត់ស្ត្រេស ​ដោយការប្រើប្រាស់ខ្លាំង ដូចជាមេតាំហ្វេតាមីន ​បានបន្តកើនឡើងផងដែរ ដែលបានឈានដល់៣២,៥៣៧ ករណី ក្នុងឆ្នាំ២០២១។