កំពង់ឆ្នាំង ៖ នៅរសៀលថ្ងៃទី០៥ ខែឧសភា ឆ្នាំ២០២៣នេះ សាខាកាកបាទក្រមកម្ពុជាខេត្តកំពង់ឆ្នាំង បាននាំយកអំណោយមនុស្សធម៌ទៅផ្តល់ជូនប្រជាពលរដ្ឋរងគ្រោះដោយខ្យល់កន្ត្រាក់ចំនួន៣០គ្រួសារ នៅឃុំផ្សារ ស្រុកបរិបូណ៌ ខេត្តកំពង់ឆ្នាំង។

លោក សៀត គឹមលៀង អនុគណ:កម្មាធិការសាខាកាកបាទក្រហមកម្ពុជាខេត្តកំពង់ឆ្នាំងបានថ្លែងថា ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជានិច្ចជាកាល លោកតែងយក​ចិត្តទុកដាក់​ដល់​ប្រជាពលរដ្ឋគ្រប់រូប គ្រប់ទីកន្លែង និងគ្រប់ពេលវេលា។ ទីណាជួបគ្រោះមហន្តរាយ ឬជួបគ្រោះថ្នាក់ដោយចៃដន្យ គឺមានកាកបាទក្រហមកម្ពុជាជានិច្ច។

សូមបញ្ជាក់ថា ប្រជាពលរដ្ឋនៅក្នុងស្រុកបរិបូណ៌ចំនួន៣០គ្រួសារ បានជួបគ្រោះខ្យល់កន្ត្រាក់កាលពីថ្ងៃទី១៥ ខែមេសា ឆ្នាំ២០២៣ ។ នៅថ្ងៃនេះ ពួកគាត់បានទទួលអំណោយមនុស្សធម៌កាកបាទក្រហមរួចហើយ៕ ដោយ ៖ ហុង វាសនា