អង្គការមូលនិធិកុមាររបស់អង្គការសហប្រជាជាតិ UNICEF បាននិយាយកាលពីថ្ងៃពុធថា ខ្លួនបានអំពាវនាវរកថវិកា ៧៥៩លានដុល្លារសហរដ្ឋអាមេរិក ដើម្បីផ្តល់ការគាំទ្រសង្គ្រោះជីវិត ដល់មនុស្ស ១៦,៦លាននាក់ រួមទាំងកុមារ១២,២ លាននាក់នៅក្នុងប្រទេសអេត្យូពី កេនយ៉ា និងសូម៉ាលី ក្នុងឆ្នាំ២០២៣នេះ។ ក្នុងចំណោមនេះ ថវិកា១៣៧,៥ លានដុល្លារអាមេរិក គឺត្រូវការសម្រាប់ប្រទេសកេនយ៉ា។
អង្គការUNICEF និយាយនៅក្នុងសេចក្តីថ្លែងការណ៍ដែលបានចេញនៅក្នុងទីក្រុង Nairobi រដ្ឋធានីប្រទេសកេនយ៉ាថា ថវិកាបន្ថែមចំនួន ៦៩០លានដុល្លារ ត្រូវការដើម្បីផ្តល់ការគាំទ្រការស្តារឡើងវិញទាក់ទងនឹងអាកាសធាតុ ទៅដល់សហគមន៍នានា នៅទូទាំងតំបន់ទាំងអស់ដែលរងផលប៉ះពាល់ក្នុងឆ្នាំ២០២៣ និងឆ្នាំ២០២៤។
សេចក្តីថ្លែងការណ៍ធ្វើឡើងបន្ទាប់ពីដំណើរទស្សនកិច្ចទៅកាន់ប្រទេសកេនយ៉ាភាគឦសានដោយនាយកប្រតិបត្តិអង្គការ UNICEF លោកស្រី Catherine Russell ដែលកាលពីថ្ងៃអង្គការ បានជួបក្រុមគ្រួសារនិងជនភៀសខ្លួនជាច្រើន ដែលកំពុងតស៊ូស្តារឡើងវិញពីគ្រោះរាំងស្ងួតបង្កឡើងដោយអាកាសធាតុអាក្រក់បំផុត កើតឡើងនៅតំបន់នេះក្នុងរយៈពេល៤០ឆ្នាំមកនេះ។
លោកស្រី Russell ដែលបានទៅពិនិត្យ តំបន់ Garissa រងផលប៉ះពាល់ដោយគ្រោះរាំងស្ងួត និងជំរំជនភៀសខ្លួន Dadaab ជាទីក្រុងហួតហែងពាក់កណ្តាលនៅក្នុងប្រទេស បាននិយាយថាទោះបីជាមានការចាប់ផ្តើមធ្លាក់ភ្លៀង វានឹងចំណាយពេល ហើយមានការប្តេជ្ញាដោយសហគមន៍អន្តរជាតិសម្រាប់សហគមន៍ទាំងនេះ ដើម្បីចាប់ផ្តើមស្តារឡើងវិញ។ លោកស្រីនិយាយថា នៅទីបំផុតភ្លៀងបានចាប់ផ្តើមធ្លាក់ បានផ្តល់ក្តីសង្ឃឹមដល់ប្រជាជន ប៉ុន្តែវាជាផ្លូវដ៏វែងឆ្ងាយដើម្បីស្តារឡើងវិញ។ កុមារនៅតែជួបភាពស្រេកឃ្លាន ពួកគេប្រឈមហានីភ័យនៃជំងឺអាសន្នរោគ ពួកគេចាំបាច់ត្រូវទៅសាលារៀន ហើយមនុស្សជាច្រើនគ្មានការរំពឹងទុកនោះទេសម្រាប់ការទៅកាន់លំនៅឋាន។
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
