​ក្រុម​វេជ្ជបណ្ឌិត​សហគមន៍​ប្រទេស​កូរ៉េខាងត្បូង ជាង​ ១​ម៉ឺន​នាក់ និង​ជំនួយការ​គិលានុបដ្ឋាក​ ដែល​ថែទាំ​អ្នកជំងឺ បាន​ចេញ​ធ្វើ​កូដកម្ម កាលពី​ថ្ងៃ​ពុធ តវ៉ា​ច្បាប់​ក្រមសីលធម៌​គិលានុបដ្ឋាក ដែល​ពួកគេ​ព្រួយបារម្ភ​ថា​នឹងធ្វើ​ឲ្យ​ប៉ះពាល់​ដល់​ការងារ ទោះបីជា​វា​ធ្វើ​ឲ្យ​ប្រសើរឡើង​ប្រាក់ខែ​របស់​គិលានុបដ្ឋាក និង​លក្ខខណ្ឌ​ការងារ​ក៏ដោយ ។

​ច្បាប់ ត្រូវបាន​អនុម័ត​នៅក្នុង​សភា កាលពី​សប្តាហ៍​មុន ត្រូវបាន​រៀបចំ​ជា​ចម្បង​ដើម្បី​ជួយ​ដល់​គិលានុបដ្ឋាយិកា ដែល​ធ្វើការ​ហួសកម្លាំង និង​ក្រុម​មាន​ជំនាញ​ពេទ្យ​កំពុង​ថយចុះ ខណៈ​កំពុង​ប្រយុទ្ធប្រឆាំង​នៅ​ខ្សែ​ជួរមុខ​នៃ​ជំងឺ​Covid-19​។

​ប៉ុន្តែ​ក្រុម​វេជ្ជបណ្ឌិត មើលឃើញ​ច្បាប់​នេះ​ថា​ជាការ​បើកទ្វារ​សម្រាប់​គិលានុបដ្ឋាយិកា​ដើម្បី​ផ្តល់​ការព្យាបាល​ដោយ​គ្មាន​អាជ្ញាប័ណ្ណ​វេជ្ជសាស្ត្រ ខណៈ​ជំនួយការ​លិ​លា​នុប​ដ្ឋា​ក និយាយថា វា​នឹង​បន្ថែម​ការងារ​សម្រាប់​គិលានុបដ្ឋាយិកា​ដែល​បាន​ចុះឈ្មោះ​ក្នុងការ​ចំណាយ​របស់​ពួកគេ​។ ពួកគេ​បាន​ទទូច​ឲ្យ ប្រធានាធិបតី​លោក Yoon Suk-yeol ប្រើ​សិទ្ធិ​វ៉េតូ​ច្បាប់​នេះ និង​ឲ្យ​សមាជិកសភា តាក់តែង​ច្បាប់​នេះ​ឡើងវិញ​។

​មន្ត្រី​ម្នា​ក់នៅ​ការិយាល័យ លោក Yoon និយាយថា ការិយាល័យ នឹង​សម្រេច បន្ទាប់ពី​ការពិភាក្សា ជាមួយ​ក្រុម​វេជ្ជសាស្ត្រ និង​គណ​បក​បក្ស​កំពុងកាន់​អំណាច​។​