​គណៈកម្មការ​ក្រុម​អ្នកជំនាញ​ឯករាជ្យ​មួយ ដែល​ត្រូវបានតែងតាំង​ដោយ​ក្រុមប្រឹក្សា​សិទ្ធិមនុស្ស​អង្គការសហប្រជាជាតិ​កំពុងស្ថិត​ក្នុង​ដំណើរ​នៅ​ទីក្រុង​ចំនួន​៦​របស់​សហរដ្ឋអាមេរិក ។ ពួកគេ​ផ្ដោត​សំខាន់​លើ​សមភាព​និង​យុត្តិធម៌​ប្រឆាំង​ការរើសអើង​ជាតិ​សាសន៍​នៅក្នុង​សហរដ្ឋអាមេរិក​។ កាលពី​ថ្ងៃ​អង្គារ ក្រុម​នេះ បាន​ឈប់​ចំណត​នៅក្នុង​ទីក្រុង Minneapolis រដ្ឋ Minnesota សហរដ្ឋអាមេរិក។

​កិច្ចខិតខំ​ប្រឹងប្រែងរ​បស់​អង្គ​គារ​សហប្រជាជាតិ ដែល​ត្រូវបាន​បង្កើតឡើង​កាលពី​ថ្ងៃ​អង្គារ ក្រោយ​ករណី​ឃាតកម្ម លើ​បុរស​ស្បែក​ខ្មៅ George Floyd បាន​ទៅដល់​ក្នុង​ទីក្រុង Minneapolis ។ អ្នកជំនាញ​សិទ្ធិមនុស្ស​ ៣​នាក់ ដែល​ត្រូវបានតែងតាំង​ដោយ​អង្គការសហប្រជាជាតិ បាន​ចំណាយពេល​ស្ដាប់​សវនាការ​មួយ​ព្រឹក​ពី​មនុស្ស​ដែល​ត្រូវបាន​រង​ផលប៉ះពាល់​ដោយ ការ​រើស​អ់ង​ជា​ប្រព័ន្ធ នៅក្នុង​គោលនយោបាយ​និង​ពន្ធនាគារ​។

​គណៈកម្មាការ​អង្គការសហប្រជាជាតិ​កំពុង​ចំណាយពេល​ពីរ​សប្តាហ៍​នៅក្នុង​សហរដ្ឋអាមេរិក និង​ឈប់​សំចត​ប្រហាក់ប្រហែលគ្នា នៅក្នុង​ទីក្រុង​នានា​រួមមាន Los Angeles, Atlanta និង Chicago។

​លោកស្រី Fionnuala Ní Aoláin សាកលវិទ្យាធិការ​មហា​វិទ្យាល័យ​នៃ​មជ្ឈមណ្ឌល​សិទ្ធិមនុស្ស​នៅ​សាកលវិទ្យាល័យ Minnesota និង​ជា​អ្នករាយការណ៍​ពិសេស​អង្គការសហប្រជាជាតិ​ទទួលបន្ទុក​សិទ្ធិមនុស្ស​បាន​និយាយថា លោកស្រី បាន​ចូលរួម​ជាមួយ​អ្នកសម្របសម្រួល​ព័ត៌មាន MPR News លោកស្រី Cathy Wurzer ដើម្បី​ឲ្យ​យល់​អំពី​គម្រោង​នេះ​៕​