លោក Donald Trump ទំនងជាច្រឡំស្មានថា អ្នកស្រី E Jean Carroll គឺជាអតីតភរិយារបស់លោក លោកស្រី Marla Maples នៅក្នុងការបង្ហាញភស្តុតាង ដែលបានចាក់សម្រាប់ក្រុមចៅក្រមក្នុងបណ្ដឹងស៊ីវិល ស្ដីពីការចោទប្រកាន់ករណីរំលោភរបស់អ្នកស្រី Carroll ប្រឆាំងនឹងរូបលោក។

នៅក្នុងវីដេអូនោះ លោក Trump បានបង្ហាញរូបថតលោកកំពុងនិយាយទៅកាន់មនុស្សផ្សេងទៀត នៅព្រឹត្តិការណ៍នោះ។ លោកនិយាយថា គឺជា Marla មុនពេលមេធាវីរបស់លោកកែតម្រូវលោក។

មេធាវីរបស់លោកនិយាយថា ទេ នោះ គឺជា Carroll។

អ្នកស្រី Carroll វ័យ៧៩ ឆ្នាំ បានចោទប្រកាន់លោក Trump វ័យ ៧៦ ឆ្នាំ ពីបទបំពានលើអ្នកស្រី​នៅក្នុងហាងលក់​សំលៀកបំពាក់​មួយក្នុងទីក្រុង New York ក្នុងពាក់កណ្ដាលទសវត្សរ៍ឆ្នាំ១៩៩០ ជាការចោទប្រកាន់ដែលលោក Trump បានច្រានចោលរហូតមក។

ក្រុមមេធាវីរបស់អ្នកស្រី Carroll បានលើកឡើងថា ការភ័ន្តច្រឡំរបស់លោក Trump រឿងរូបថតនោះ ខុសពីការអះអាងរបស់លោកដែលថាអ្នកស្រី Carroll មិនមែនជាមនុស្សដែលលោកស្រឡាញ់​នោះទេ ជាការអត្ថាធិប្បាយមួយ ដែលលោកបាននិយាយដដែលៗ ចាប់តាំងពីអ្នកស្រីបានប្ដឹងកាលពីឆ្នាំ២០១៩ ។

លោក Trump ពុំទាន់បានចូលក្នុងតុលាការស៊ីវិលនៅឡើយទេ ដែលរហូតមកដល់ពេលនេះជិតបិទបញ្ចប់ទៅហើយ បន្ទាប់ពីបានធ្វើឡើងនៅក្នុងតំបន់ Manhattan ។ ភាគីទាំង២បានតតាំងក្ដីរបស់ខ្លួនកាលពីថ្ងៃព្រហស្បតិ៍ ទោះបីជាក្រុមការងាររបស់លោក Trump ពុំបានហៅសក្សីការពារក្ដីរបស់លោកក៏ដោយ៕