នគរបាលបាននិយាយថា បុរសម្នាក់ ដែលជានិសិត្សសាកលវិទ្យាល័យកាលីហ្វ័រនីញ៉ា ក្នុងទីក្រុង Davis រហូតដល់សប្ដាហ៍មុន ត្រូវបានចាប់ខ្លួនពីបទប្រើកាំបិតចាក់សម្លាប់មនុស្សជាបន្តបន្ទាប់ ដែលធ្វើឲ្យទីក្រុងនេះស្ថិតក្នុងគ្រោះថ្នាក់។

ជនសង្ស័យវ័យ២១ឆ្នាំ ត្រូវបានចាប់ខ្លួនកាលពីថ្ងៃព្រហស្បតិ៍ មួយថ្ងៃបន្ទាប់ពីត្រូវបានឃុំខ្លួនជាមួយកាំបិតធំមួយ។

ការវាយប្រហារដែលទំនងជាពុំមានគោលដៅច្បាស់លាស់នៅក្នុងទីក្រុងនេះ បានបិទព្រឹត្តិការណ៍សហគមន៍ និងជំរុញសិស្សឲ្យកាន់អាវុធ។

នគរបាលនិយាយថា សមាជិកសហគមន៍ បានទូរស័ព្ទហៅពួកគេបន្ទាប់ពីប្រទះឃើញបុរសរូបនេះ នៅក្នុងឧទ្យានមួយ។

ជនសង្ស័យ Carlos Dominguez បច្ចុប្បន្ន ត្រូវបានឃុំខ្លួន និងសួរចម្លើយ។ នគរបាលនិយាយថា ជនសង្ស័យគឺជានិសិត្ស នៅសាកលវិទ្យាល័យកាលីហ្វ័រនីញ៉ាក្នុងទីក្រុងDavis រហូតដល់សប្ដាហ៍មុន។

ជនសង្ស័យត្រូវបានឃុំខ្លួនកាលពីថ្ងៃពុធ ពាក់ព័ន្ធករណីមនុស្សឃាត បន្ទាប់ពីនគរបាលទទួល​ទូរស័ព្ទរាយការណ៍ឧបទ្ទវហេតុពីសមាជិក១៥នាក់ របស់សហគមន៍នេះ។

កាលពីព្រហស្បតិ៍ អតីតនិសិត្សរូបនេះ ត្រូវបានចាប់ខ្លួននិងចោទប្រកាន់ករណីឃាតកម្មចំនួន២ និងការប៉ុនប៉ងមនុស្សឃាតមួយករណី៕