ស៊ែរប៊ី ៖ យោងតាមសារព័ត៌មាន N1 ទីភ្នាក់ងាររបស់ទូរទស្សន៍ CNN និង បណ្ដាញផ្សព្វផ្សាយរដ្ឋ RTS មនុស្សយ៉ាង​ហោចណាស់ ៨នាក់ បានស្លាប់និងជាង១០នាក់ផ្សេងទៀតរងរបួសក្នុងហេតុការណ៍បាញ់ប្រហារមួយ នៅក្នុងភូមិ Dubona កាលពីល្ងាចថ្ងៃ​ព្រហស្បតិ៍​របស់ប្រទេសស៊ែរប៊ី។    

ជនសង្ស័យមវ័យ២០ឆ្នាំ ត្រូវបានចាប់ខ្លួន បន្ទាប់ពីបានសម្លាប់មនុស្ស៨នាក់ និងយ៉ាងហោចណាស់១៤នាក់ រងរបួសក្នុង​ការបាញ់សម្លាប់​រង្គាលលើកទី២នៅសប្ដាហ៍នេះ ។  

ខ្មាន់កាំភ្លើង បានបាញ់ដោយប្រើអាវុធស្វ័យប្រវត្តិមួយដើមចេញពីរថយន្តដែលកំពុងបើកបរជិតភូមិ​មួយ​ចម្ងាយ៦០គីឡូម៉ែត្​រ​ពីភាគខាងត្បូងរដ្ឋធានី បេលក្រាដ។   

នៅព្រឹកថ្ងៃសុក្រនេះ សារព័ត៌មានរបស់ប្រទេសស៊ែរប៊ី បាននិយាយថា កងកម្លាំងនគរបាលពិសេស បានទៅដល់​ភូមិ Mladenovac និងភូមិ Dubonaជាទីដែលការបាញ់ប្រហារលើកទី២បានកើតឡើង។

ហេតុការបាញ់ប្រហារសម្លាប់រង្គាលនេះ បានកើតឡើងមួយថ្ងៃបន្ទាប់ពីប្រទេសស្ថិតក្នុង​តំបន់បាល់កង់​មួយនេះ​ត្រូវគក្រើក​ដោយ​ដំណឹងនៃការបាញ់ប្រហារដោយក្មេងប្រុសជំទង់វ័យ១៣ឆ្នាំ ទៅលើក្រុមមិត្តរួមថ្នាក់ និងគ្រូបង្រៀន​របស់គេក្នុងរដ្ឋធានី Belgrade។ 

ប្រទេសស៊ែរប៊ី បានរឹតបន្តឹងសិទ្ធិកាន់អាវុធដល់កម្រិតខ្ពស់បំផុត នៅក្នុងពិភពលោកប៉ុន្តែការបាញ់សម្លាប់រង្គាលបែបនេះ កម្រកើតមានណាស់៕